Gewilde Bybelverse vanaf Jeremia 20

Deel

Maar die HERE is by my, soos 'n vreesaanjaende krygsheld. Daarom sal my vervolgers tot 'n val kom; hulle sal nie die oorhand kry nie. Hulle sal geheel en al beskaamd staan, want hulle sal nie slaag nie – 'n ewige vernedering wat nie vergeet sal word nie.

Sing vir die HERE! Loof die HERE! Want Hy het die lewe van 'n behoeftige gered uit die hand van boosdoeners.

Want telkens wanneer ek praat, moet ek dit uitskreeu. “Geweld en verdrukking!” roep ek uit. Ja, die woord van die HERE het vir my tot bespotting en hoon geword, die hele dag lank. Ek het al gesê: “Ek sal nie aan Hom dink nie, nie meer in sy Naam iets sê nie.” Maar dan word dit in my hart soos 'n vuur wat brand, vasgevang in my gebeente! Ek het my moeg gemaak om dit binne te hou, maar ek kon nie.