Gewilde Bybelverse vanaf Luka 17

Deel

Bhi Jesu satt gwoh ni le, “Yakhal yill, mwan gha dhak, pihhzeenn keegha bar gha.”

Kooh dyinn sh'in wu'bis ni gha a yit pwoghovel p'ar puus w'u kihmeh, dhangg kihh shikhir baa'ji nhighin kihhsheh yit pwoghovel kihh satt gha le, ‘Ih tu'wapp,’ bhi ghi fwa nyi.”

Bhi kihmeh dhighin mwopp, kaarooh naah kad ri kad kakhamm, bhi baa'ji, kihh kwoob Naan sh'i waaw chapp-chapp. Bhi mett kurum yill kih fr'um niy tekhem Jesu, shup yit niy yill tihh kihh plang nyi diy. Gwoh mhizeh ni gyet wu'nyi a m'ee Gu-Samariya.

Wu kihh kangg kihh kaah wuh rih-rett. “Mihh em'nangg sh'in wu'bis, bhi ghi tepbhelepp nyi; mihh tu'wapp, bhi ghi fwa nyi.

Bhi Jesu nang le, “Dhok a gurum w'u dyinn kaghapaad seh mwopp kad kakhamm, mwopp pwat wu'bhangg e'? Dheeh mwooh pwoghofeerr seh wu'mwopp dheeh a nihyeh?

Bhi Daah Jesu pring mwopp satt le, “Ai mihh wunn kihh pihhzeenn w'u kaa reb y'ee sheep mostad se kyekk maah, bhi wunn p'ee mak satt gag tihng lun mhize wu le, ‘Yi paar shik lhiyakhal bihze, dum yi kopp shik lhidharr dhighin kur'am,’ bhi nyi p'ee sh'in bii w'u wu satt seh.

Koohweeh w'u kihh t'ang kyeer seen niy bhi nyi p'ee bhalangdheng, dhangg koohweeh w'u bhalangdheng seen niy bhi nyi p'ee kyeer nyi.

Jesu satt zheppkamm keeniy mwopp le, “Nyi a ching tihh v'ur zhwaan'pee w'u kihh mak l'e tihh gurum mwopp sh'in shigbis diy mwopp ja, dhangg mak kihh gwooh zhwaan'pee ni mwopp ja lhiwaa a nyi. Nyi p'ee rettmett gwoh ni tihh dyinn mwopp rad a gag m'ee panggfiin tookk nyi mwopp meng nyi dhighin kur'am, kad mihh'pee kihh l'e tihh kooh a kihmeh dhighin zhepp mhize mwopp sh'in shigbis.

Mwoorr kaa gyet mwopp sh'in sh'i gangg mhi Nuhu seh, bhi nyi p'ee kwed a kihhsheh zag sh'i gangg mhi ji khi L'aa khi Gurum. Gyet gurum mwopp kaah so-kihh-shwaa; mwopp kaah lapp shwarab yakhal mwopp kihh shenn zhepp ruh wu'raapp dyik, harr p'ar puus w'u Nuhu dhel diy dhighin kong'am, bhi chlim'am ji twa mwopp kwellelleh.