Gewilde Bybelverse vanaf Байбихьи 2

Deel

Гьединлъидал, эбел-эменги рехун тун, жиндирго чӀужугун вукӀина бихьинчи ва, гьел кӀиялго цолъун, цохӀо черх гӀадин лъугьина.

Хадуб БЕТӀЕРГЬАН Аллагьас абуна: «Живго цохӀо вукӀин инсанасе лъикӀ гьечӀо. Гьесие данде кколев кумекчи вижила Дица».

БЕТӀЕРГЬАН Аллагьас инсан гьавуна ракьул хӀурудасан ва, гьесул магӀарзухъе гӀумруялъул хӀухьелги пун, гьев чӀагояб рухӀлъун лъугьинавуна.

Инсанас абуна: «Гьале дир ракьаялдасан – ракьа, дир черхалдасан – черх! ЧӀужугӀадан букӀина гьелда цӀар, бихьинчиясдасан йосарай йигелъул».

Анкьабилеб къоялда баракатги лъун, Аллагьас гьеб хирияб къолъун гьабуна, щайгурелъул киналго ишалги тӀуран, гьеб къоялъ Гьес хӀухьбахъидал.

Гьел кӀиялго – бихьинчиги чӀужугӀаданги – гӀицӀго рукӀана, амма гьел гьелдаса нечолароан.