Gewilde Bybelverse vanaf मत्‍ती 23

Deel

जो तुम लोगौ मै सै सबसै बड़ो है, बौ तुमरो नौकर बनै।

जो अपने कै बड़ो मानै है, बौ छोटो बनाओ जागो और जो अपने कै छोटो मानै है, बौ बड़ो बनाओ जागो।

“अरे कपटी सास्तरिऔं और फरीसिऔं! धिक्‍कार तुम लोगौ मै! तुम पोदीना, सौंप और जीरे को दसमो हिस्सा तौ देवौ हौ, पर नियम की खास बात नियाय, दया और बिसवास की बेजती करौ हौ। अच्‍छो तौ जौ हो कै तुम इनकै बी करते रैहते, और दैनै बारी बात कै बी ना छोड़ते।

“अरे कपटी सास्तरिऔं और फरीसिऔं! धिक्‍कार तुम लोगौ मै! तुम बिलिआ और थरिया कै बाहार सै तौ माँजौ हौ, पर भीतर बे लूट और छल-कपट सै भरे भए हैं।

“हे ऐरूसलेम, हे ऐरूसलेम, तू बौ है जो नबिऔ की हत्‍तिया करै है और परमेसर के भेजे भए दूतौ कै पत्‍थरौं सै मार देवै है। मैंनै कितनी दफै चाँहो कै जैसे कोई मुरगी अपने बच्‍चौं कै अपने पंखौ के नीचे इखट्‍टे कर लेबै है, बैसेई मैं तेरे बालकौ कै इखट्‍टे करलौं, पर तुम लोगौ नै ना चाँहो।

ऐंसेई तुम बाहार सै तौ धरमात्‍मा दिखाई देवौ हौ, पर भीतर सै छल-कपट और बुराई सै भरे भए हौ।