Gewilde Bybelverse vanaf یوحنا 2

Deel

اِنتَرَکِه عیسی اِشتَن اَوَلین نِشونَه و موعجیزَ قانای جَلیلیکا اَنجوم داشَه و اِشتَن شکوه و جَلالی آمونِستِش و چَی شاگِردِن بَی ایمان وَردِشونَه.

عیسی بَی واتِش: «اَی ژِن، اِم کاربَمن چه مَربوط؟ چمن وَقت هنوزَنی آرَستَه نیَه.»

عیسی پاسَرییِنِش واتَه: «اِم خِمون آوینَه پَتلَمَه آکَرَ.» پس اَیِنِ خِمون کوکوروپَتلَمه آکَردَ. عیسی اَیِنِش واتَه: «ایسَه تیکَلیی اَیکا پِگِرَ و مجلسی رَئیسی وَر ببَرَ.» اَیِن نی بَردِشون.

عیسی چَون جَوابی داشَه: «اِم معبدی ویراوونَه کن اَز، سه روجیرا اَی هَنی سِی آمَکَرد.»

عیسی لافندیکا شَلاغی سِی آکَردِشَه و گردِ اَوون و چَوون پَسو گا اونَّ، معبدیکا بِرِن بَرکَردِش. و صرّافون سکَه زَمینی سَردِرِ ویکَردِش و چَوون تَختون ویگاردنِستِش، و کَفتِرَ خرشِنِش واتَه: «اِمون اِم جِگاکا بِرِن بِبَرَ و چمن دَدَ کَه، کاسِبیَه جِگا سِی آمَکَرَ!»