Gewilde Bybelverse vanaf လုကာ 3

Deel

ထောင်အဟြန်မိကရပ် ယောဟန်စာ လူးရက်အင် အိန်းမြှုပ်မင်္ဂလာအီဒက်လင်ကဟေ။ ကိုယ်တော်ယေရှုယဲ့ အိန်းမြုပ်မင်္ဂလာလာကို့ ဆုစိန်တုန်းကရပ် ကောင်းဂါလက်စာ ဟင်းလင်းပွင့်ကို ဉာဏ်အလင်းတော်နာ ချိုးအူဆီပုံစံအိမ် ကိုယ်တော်ကအပေါ်ဝါ ထုန်ဗာ(ဖ်)လင်ကဟေ။ ကောင်းဂါလက်အာဘင်း အကြာယဲ့ "နင်စာ ငါကချစ်ဟေက ငါကအဆာဖြစ်ဟေ။ ငါစာ နင်ငင် တဗျင်းနှစ်သက်အားရဟေ" ငါးဂို့ အကြာရက်ယေ့ပြူယိုးဝန်ဂါဟေ။

မှအကြောင့်အိမ် ယောဟန်နာ အမာရက်အင် "ငါနာ လူးရက်အင် အိန်းအိမ်အိန်းမြှုပ်မင်္ဂလာ အီကက(လ်)မှန်နက်ဟေ။ ညီးင့ဒင့်ယဲ့ ငါ့တောင်မှာဒင့် မြင့်မြတ်ဟေကားလူးဟူးဝါ ဗန်(ဖ်)တုန်းနန်းဖြစ်ဟေ။ ငါနာ အမှာဂါးဖိနပ်ရာဖူငင်ဒင်းဖြုတ်အီက အထိုက်တန်ပါ(လ်)။ အမာနာ ဉာဏ်အလင်းတော်အိမ်ယေ့ပါ၊ ဗန်(ဖ်)အိမ်ယေ့ နနိန်ရက်အင် အိန်းမြှုပ်မင်္ဂလာအီလင်ဂါး။

မှကြောင့် နနိန်ရက်က အမီးကအလိစ်အင် မလောက်နက်ဟေ့ကား သက်သေဆနပ်အင်း။ နနိန်ရက်ကနနိန်ရက် အာဗြဟံကမျိူးရိုးဖြစ်ဟေငါ့ကို ပြိစ်ဂိုအတုန်းယေ့။ နနိန်ရက်အင် ငါငါ့ဆနပ်အန်ကား ဘုရားရှင်နာ နနိန်ရက်ကနေရာအစားထိုးကဇိစ် မှတလုံငင်ဒင့် အာဗြဟံဂါးမျိူးဆက်အဖြစ် ဖန်ဆင်းလှုဟေ။

အတတ်ကအချိန်ငါ ဘုရားရှင်နာ နောင်တသံဝေဂ အလှုကလူးရက်အင် ပြင်းပြင်းထန်ထန်အပြစ်ဒဏ်အီကဇိစ် အဆင်သင့်ငါတုန်းဟေ။ မှအကြောင့် နောင်တသံဝေဂအလှူထမ်း မီဟေကအလိစ်အင် အလိစ်ကလူးရက်နာ ဘုရားရှင်ကအပြစ်အီဟေကားဟင်းပိုကို့ ဗန်(ဖ်)ဗုံးငါ မလောက်စာဟင်းလင်ပေါ်က"ငါကို ငါ့လင်ကဟေ။

ပရောဖက်ဟေရှာယကျမ်းငါ ယောဟန်ကအကြောင်းငင် ရေးပီဒက်ကနာ "မလိမ်းကန္တာရထဲယာ လူးဟူးဝါပါဆာနာ ဟော်ကို့ ငါ့ဆနပ်အန်ကားနာ အရှင်သခင်က ကြွဗန်(ဖ်)ကလင်းငင် ပြင်ဆင်ယင့်ဂီး။ အမာကလင်းငင် ဖြောင့်တန့်ဇိစ်ယင့်ဂီး။ တဂိုကြားချိုင့်ဝှမ်းရက်အင် ကဇက်ဖားဂို တဂိုးတတင်ရက်အင် ညီညာပါစေ။ လင်းကောက်ကောက်ရက်အင်ဖြောင့်ဇီးဂို့ အမီကလင်းရက်အင် မီမနီးလိစ်အင်ဂီး။ ကျီးကအိမ် ဘုရားရှင်ဖြောက်နက်အန်ဟေကား ကယ်တင်ရှင်ငင် လူးရက်ပေါ်လင်ပေါ်ကား" ငါ့ကို ဖြစ်ဟေ။