Gewilde Bybelverse vanaf Mateyo 6

Deel

Anu, amutagune kulangaula bwami bwa Leza, a bululami bwakwe, zhintu zhoonse neshi akamupe.

Abobo mutalibiliki a buzuba bwajilo, bwajilo bulakulibilika bwiine. Buzuba a buzuba bulichite mapenzhi ambubo.

Ono ndamwambila ati, “Mutalibiliki a buumi bwanu naa nchishimukulye naa kunwa, naa a zha kumibili yanu naa chakusama. Amana saa buumi tabuyandiki kwiinda chakulya alimwi mubili kuyandika kwiinda zhakusama?

Pesi chiindi mwayanda kapaila amunjila mu ng'anda, a kujala mulyango, a kupaila kuli Ishi wanu utaboneki. Alimwi Ishi wanu ubona zhisisilwe ulamuupa bulumbu.

Mbobu ono mbumwelele kupaila, Tata esu uli ku julu liina lyanu lya bulemu a lilemekwe, bulelo bwanu a buze, luyando lwanu a luchitwe anshi ano bweenke mbuli julu.

Tupe sunu chankulya chalyoonse.

Tujatile kulubizha kwesu mbuli mbotulekelela ba tulubizhila.

Mutatunjizhi mu masunko, pesi a mutugushe ku mubiibi.’ Nkambo bwami mbubwanu alimwi anguzu abulemu kukabe kutamani.’

“Naa mwalekelela ba mubulubizhila, Ishi wanu uli ku julu ulakumulekelela.

Amulange bayuni bamujulu, tabashangi, naa kutebula a kubika zhakulya mumatala, pesi Ishi wanu wakujulu ulabasanina zhakulya! Saa ntamuyandiki nkwiinda bayuni?

Mutabiki buvubi bwanu ano a nyika, walo munswa andala mpuzhinyonyola, kwalo uko bafumpi nku banjila akwibba. Pesi a mubike buvubi bwanu ku Julu, kwalo uko munswa a ndala nkuzhitanyonyoli naba mubbi ku njila a kwibba. Nkambo uko kuli buvubi bwanu nkukuli moyo wanu.

Taaku muzhike winga waba aba shimalelo bobilo, inga wabula kuyanda omwi, omwi inga wamuyanda, ulakushomeka kuli omwi pesi kuli umwi takashomeki. Ono inga tosebezeli Leza alimwi a maali.

Naa mbubobo Leza mbwasamika bwiizu bwamushokwe, ubo buliko sunu alimwi jilo bwawaalwa mumulilo, saa takamusamiki kwiinda imwe, imwe nimuchite lushomo lushonto!

Pesi naa mwapa ku batachite lyaanza lyakulumweshi litazhibi nchilyachita lyanza lyakululyo, Kwaamba kupa kwako kube kwa maseseke. Kuchita kwaamba Ishi wanu ubona nzhimwakachita mu maseseke, akamupe bulumbu.

A muchenjele mutatondezhi bululami bwanu ku menso a bantu kwaamba ba mubone. Naa mwachita ubo mulakubula bulumbu kuli Ishi wanu waku julu.

“Alimwi chiindi mwana kuliimya mutanokuboneka mbuli ba shikupaupa a menso mbu bachita. Balo balazhoola machu abo kubonwa kwaamba ba laliimya, kashimpe ndamwabila, ba tambula kale bulumbu bwabo buzwile. Pesi chiindi mwana kuliimya, amusambe ku menso a kunana mafuta kumutwi. Kwaamba bantu ba tazhibi ati mulaliimya, pesi Ishi wanu boo eenka, utaboneki, alimwi Ishi wanu ubona zhichitika mu maseseke ulakumupa bulumbu.