Gewilde Bybelverse vanaf Markus 10

Deel

Ningalena smat ta mali sorogaica nlafo mali dunia tae bo tleleyani i pa, gabo nleleyane fare npo ni dirica bo nfayangise smat lalo ni dosa.”

Yesuse ningningo si fare nu, “Smatna isa pa ta bo rfasalamate ni diricana. Ga Jou Lahatalla be ta bo nfasalamate smatna, ga Jou Lahatalla ahai be ndadi ndumi.”

Nlonga tina, Yesuse nua i, “Ningalena mdela Ya to, aw mafia to. Gabe awe mfane to!” Oras cia to, smat ta nbiafca nem hawe, fare i nderera Yesus.

Gabe tina, ahai ta Jou Lahatalla npei ndadi pusa, smatna bisa panto bo rfatalakna.”

Yesuse neme smat cia nbasamna nmasie i, gabe nua i, “Ga motle pusa sube ta aw mpei pau bena. Aw mfane to bo mwage farumi nim aratana taga ni tiwina moce smat ta riri re rari pana. Gabe laisa aw mpei laina, aw osta mduk arata mali sorogai. Fola tina, aw mali bo mderera Ya.”

Yesuse nfautno i, “Awe mailowna Ya ipeo aw ahai?” Ga smat ta nbiafca nu, “Guru, Ya idore bo ikem hawe.”

Ga mewe mate fpei lainana! Ise mali mewi farumi ta flokolo bo ndadi smat ta cicoal foloi mali Jouca nbona, i nane ndadi laisa smat ta biasa be ta bo nleleyane mew.

Wlomewyaneto famafia ta Ya bo ikua mew tane: ise ta nailow Jou Lahatalla laisa re wai nenena ta rcombong pa, i osta ndadi Jou Lahatalla ni smat i ta I bo nkawasa ndadi Kolano mali I ni tubca.”

Ga smatna lal ta rfoloina mali dunia taena, ga osta rdadi smat ta foloi pa, ga smat ta rfoloi pa mali dunia taena, osta rdadi smat ta foloi.”

Mulain tantuba be Jou Lahatalla npei dunia taena, I npei man re maping. Gabe, manca osta fateam hma fare hnye taga ntub nfarerer re ni ngolota, bo smat silu tasa ndadi pusa. Gabe smat silu tasine rtubna rfatutulnge panto, ga si rdadi pusa to.