Gewilde Bybelverse vanaf Di Mulakata 27

Deel

Kudo’aangko lo’a Alatala, arung daia manawa’i lo’u ambunen malao’i jalu itanamen manyuro’ subur. Arungko datawa’i tana’ bainyaken manyuro’ bayu’ jaji mole’a uman, bayu’ jaji mole’a kobon angguren. Tauenpi dinen, ambata gulungan bangsa yang bokanen tunduk kausa lo’u. Malola’ kausa lo’a panamunu. Kenang bea lo’a ambata gulungan sairunnu, kanturunan dari nanna indu’, iko mauluangen. Iko dalola’en. Kenang yang tau mando’aangen lo’u pamondokang jalu maamen lo’u to’ dabalas. Dapamaam bea daia kole’a Alatala. Tau mangutukiin lo’upi dabalas. Dakutuki bea kole’a Alatala,” ingka kenang dinen ilalam do’ana baki’ Isak pamaama lo’a anaka.

Jaji manjarum barik baki’ Esau lo’a amana, “Patut bea iasan Yakub,” ingka kenang. “Duang kalina di’en daia makala lo’ku’,” ingka kenang. “Ambata tawa’ku’ awan anak atoaan maminjo daakal sakali. Mamin dinen yang to’ ido’aangen iko lo’ku’ pamondokang jalu maamen lo’ku’ dala bapi. Ai, kosanpi bokanen arantangen yang pandeen ido’aang lo’ku’?” ingka kenang manjaruma.

Jaji barik manjarum amana, “Daiko di’en bajao’ko lo’a tana’ bainyaken. Bajao’ko lo’a ambun malao’iin lo’a jalu itanamen manyuro’ subur. Katio’annu ona’, tumbas sikayoko nanna tauen, marampasko. Daiko ona’ di’en padari suro’anna arinuko. Poangsi ona’ maminnu malawan lo’a, tapasutko bua lo’a kuasana arinu. Na’anko barik daangkam kole’a,” ingka kenang jaruma amana lo’a dinen baki’ Esau.

Jaji barik maminna dinen, “Ungka’ andianpi, ama’e. Na’an patut jangka’a seraan yang pandeen ido’aangen iko,” ingka kenang manjaruma nanna unyi baraana dinen, anangisa lo’a amana.