DEUTERONOMIUM 10:12-13
DEUTERONOMIUM 10:12-13 Afrikaans 1933/1953 (AFR53)
En nou, Israel, wat eis die HERE jou God van jou as net om die HERE jou God te vrees, in al sy weë te wandel en Hom lief te hê en die HERE jou God te dien met jou hele hart en met jou hele siel, om te hou die gebooie van die HERE en sy insettinge wat ek jou vandag beveel, dat dit met jou goed kan gaan?
DEUTERONOMIUM 10:12-13 Bybel vir almal (ABA)
“En nou, Israeliete, wat wil julle God die Here hê julle moet doen? Hy vra dat julle Hom moet respekteer, dat julle moet lewe soos Hy wil hê, dat julle lief moet wees vir Hom, dat julle elke dag julle God die Here sal dien met julle hele hart, dat julle sal doen wat sy wette sê, die wette wat ek vandag vir julle gee. Julle God die Here vra niks meer van julle nie. As julle dit doen, dan sal dit goed gaan met julle.
DEUTERONOMIUM 10:12-13 Afrikaans 1983 (AFR83)
“En nou, Israel, die Here jou God vra net dat jy Hom moet eer, sy wil moet gehoorsaam, Hom moet liefhê en dien met hart en siel. Gehoorsaam die gebooie en voorskrifte wat die Here jou vandag deur my gee. Dit sal tot jou voordeel wees.
DEUTERONOMIUM 10:12-13 Die Bybel 2020-vertaling (AFR20)
“ Daarom dan, Israel, wat anders vra die HERE jou God van jou as om vir die HERE jou God ontsag te hê, om al sy paaie te volg, om Hom lief te hê en die HERE jou God te dien met hart en siel, om die gebooie van die HERE en sy vaste voorskrifte na te kom wat ek vandag vir jou voorskryf, sodat dit met jou goed kan gaan?
DEUTERONOMIUM 10:12-13 Contemporary Afrikaans Bible 2023 (CAB23)
En nou, Israel, wat vra die HERE jou God van jou as om die HERE jou God te vrees, in al sy weë te wandel en Hom lief te hê en die HERE jou God te dien met jou hele hart en met jou hele hart siel, Om die gebooie van die HERE en sy insettinge te onderhou wat ek jou vandag beveel tot jou beswil?
DEUTERONOMIUM 10:12-13 Die Boodskap (DB)
“Israel, wat is dit wat die Here van jou vra? Hy vra net dat jy Hom alleen moet aanbid. Hy vra jou om sy wil te gehoorsaam; om Hom altyd lief te hê; om Hom met jou hele wese en met oorgawe te dien; om al die wette wat ek jou vandag gee, jou eie te maak; om die Here se wil ook jou wil te maak. As jy al hierdie dinge doen, sal dit met jou baie goed gaan.
DEUTERONOMIUM 10:12-13 Nuwe Lewende Vertaling (NLV)
“En nou, Israel, wat verwag die HERE jou God van jou? Hy vra van jou om Hom te eerbiedig, om volgens sy wil te lewe, om Hom lief te hê en Hom met hart en siel te dien. “Gehoorsaam die bevele en gebooie van die HERE wat ek jou vandag gee, dit is net tot jou beswil.