Bou jou selfvertroue só

Wat presies ís selfvertroue? Dink aan ’n mosterdsaad. Dié klein saadjie is maar 2 mm in deursnee. Tog kan dit ontwikkel in ’n plant wat byna 3 meter hoog raak. Dit is wat ek selfvertroue noem! Om te weet jy gaan iets word wat groter is as wat jy nou is.

Ek wil graag ’n metode met jou deel wat jy kan gebruik om jou selfvertroue ’n hupstoot te gee. Dit is baie prakties en werk regtig: Stel vir jou ’n realistiese doelwit, werk daaraan om dit te bereik, en vier dit wanneer jy dit bereik. 

Hierdie korttermyndoelwitte kan deel van verskeie fasette van jou lewe wees. Dit kan fisieke doelwitte wees, byvoorbeeld om ’n volle minuut te plank sonder om te rus, ’n splinternuwe resep te toets, of jou kaste reg te pak. Dit kan ook ’n emosionele doelwit wees, soos om daardie moeilike oproep te maak wat jy nou al so lank uitstel. Of dit kan ’n moederskap-doelwit wees, soos om elke week ’n sekere hoeveelheid gehaltetyd saam met jou kinders deur te bring.

Wees realisties wanneer jy jou doelwitte vasstel. Onthou ook dat God jou geskep het om goed te vaar. Hy het die pad vir jou gereedgemaak om te verseker dat jy volgens sy plan vir jou sal leef. 

ONTHOU: Wanneer jy vir jou goeie doelwitte stel en dit bereik, sal jou selfvertroue al hoe meer toeneem.