PRAY4JAPAN — 17 Dae Gebedsgids vir JapanVoorbeeld

Japan is Geroep om die Nasies te Seën

Daar is 53 Japannese maatskappye in die Fortune 500; baie is wêreldwyd huishoudelike name. Japannese produkte en motors is bekend vir hul betroubaarheid en welbekend tot in die verste uithoeke van die aarde. Dit is tyd dat Japan ook bekend word vir die evangelie van die koninkryk, en nie net vir besighede nie!

Kom ons stem ooreen vir 'n kragtige sendingbeweging om vanuit Japan uit te gaan om die nasies van die aarde te seën.

AANBIDDING — Prys God! Hy het dit voltooi.

"Mense oor die hele wêreld sal die Here erken en hulle tot Hom bekeer. Alle volke sal Hom as koning erken, want die koningskap behoort aan die Here; Hy heers oor die volke. Al die rykes van die wêreld sal ook aan dié maaltyd deelneem en Hom as koning erken, ja, alle mense, sterflik en verganklik, sal voor Hom kniel.

Die nageslag sal Hom dien, en hulle sal van die Here vertel aan die volgende geslag" Psalm 22:28-31 (AFR83).

Here, mense oor die hele wêreld sal U erken, en alle volke sal voor U neerbuig. Heerskappy behoort aan U en U heers oor die volke.

VERKLARING — Die Abrahamitiese seën het in Christus ons s'n geword.

"Die Here het vir Abram gesê: Trek uit jou land uit, weg van jou mense en jou familie af na die land toe wat Ek vir jou sal aanwys. Ek sal jou 'n groot nasie maak, Ek sal jou seën en jou 'n man van groot betekenis maak, en jy moet tot 'n seën wees.

Ek sal seën wie jou seën, en hom vervloek wat jou vervloek. In jou  sal al die volke van die aarde geseën  wees" Genesis 12:1-3.

Here, ons verklaar dat U Japan wil seën sodat hulle 'n seën vir mense oor die hele wêreld sal wees. Bring die unieke gawe van Japan na vore om die nasies te seën.

BID — Mag elke gelowige 'n openbaring hê van hulle rol in die sendingopdrag.

"Jesus kom toe nader en sê vir hulle: 'Aan My is alle mag gegee in die hemel en op die aarde. Gaan dan na al die nasies toe en maak die mense my dissipels: doop hulle in die Naam van die Vader en die Seun en die Heilige Gees, en leer hulle om alles te onderhou wat Ek julle beveel het. En onthou: Ek is by julle al die dae tot die voleinding van die wêreld"' Matteus 28-18-20.

Here, mag Japannese gelowiges uitgaan om dissipels in alle nasies te maak; lei hulle in die krag van die Heilige Gees. Bring 'n kragtige sendingbeweging uit Japan voort tot in Jerusalem!