PRAY4JAPAN — 17 Dae Gebedsgids vir JapanVoorbeeld

Die Bruidegom Kom Haal Sy Japannese Bruid!

God se ewige doelwitte het nooit verander nie; Hy is besig om 'n bruid uit elke volk en taal voor te berei. Hy sal sy beloning van Japan kry — 'n perfek voorbereide Japannese bruid!

Kom ons stem ooreen vir die voorbereiding van 'n vlekkelose bruid van Christus in Japan.

AANBIDDING — Sluit by die skare aan om die Lam te aanbid!

"Hierna het ek 'n groot menigte gesien wat niemand kon tel nie. Hulle was van elke nasie, stam, volk en taal en het voor die troon en voor die Lam gestaan. Hulle het wit klere aangehad, en daar was palmtakke in hulle hande. Hulle het hard uitgeroep:

'Ons redding kom van ons God, wat op die troon sit, en van die Lam!'" Die Openbaring 7:9-10.

Here, eendag sal 'n groot menigte uit elke volk, stam, nasie en taal, insluitend Japan, voor die troon staan en met 'n groot stem uitroep: "Ons redding kom van ons God, wat op die troon sit, en van die Lam!"

VERKLARING — O Here berei u bruid voor vir die bruilofsfees van die Lam!

"Ek het toe iets gehoor soos die geluid van 'n groot menigte, soos die gedruis van 'n groot watermassa en soos die gedreun van swaar donderweer. Hulle het uitgeroep: 'Prys die Here! Die Here ons God, die Almagtige, heers nou as koning. Laat ons bly wees en juig en aan Hom die eer gee, want die bruilof van die Lam het aangebreek, en sy bruid het haar daarvoor gereed gemaak.'" Die Openbaring 19:6-7.

Here, ons verklaar dat U die kerk van Japan as u bruid gereedmaak vir die bruilof van die Lam.

BID — Mag God die beste uit die gelowiges in Japan na vore bring.

"Dit het Hy gedoen om die kerk aan God te wy, nadat Hy dit met die water en die woord gereinig het, sodat Hy die kerk in volle heerlikheid by Hom kan neem, sonder vlek of rimpel of iets dergeliks, heilig en onberispelik" Efesiërs 5:26-27.

Here, ons bid dat U Japannese gelowiges sal reinig deur die was met water en die Woord, en hulle na Uself toe trek as 'n stralende kerk, sonder vlek of rimpel of enige ander gebrek, maar heilig en onberispelik. >

_______________________________
Vir meer inligting en gebedsbronne vir Japan, gaan na www.pray4japan.net