Jy is ’n Kosbare Dogter Van Die Koning Voorbeeld

Jy kan rus

Wat druk vandag swaar op jou? Is daar bekommernisse wat jou wakker hou in die nag? Iets wat jou gedagtes binnesluip wanneer jy Bybel lees of bid? Sukkel jy om hierdie dinge vir God te gee en dit by Hom te los? Dit is ’n moeilike ding om te doen, want jy moet geduldig op sy tydsberekening wag en dan moet jy sy antwoord vertrou omdat jy sy hart vertrou.

Die feit is dat God werklik omgee vir enige bekommernisse wat jou wakker hou in die nag. Hy wil álles wegneem wat inbreuk maak op jou Bybel- en gebedstyd. Geen bekommernis of probleem is te klein nie – Hy gee om! Niks is te onbenullig nie, want Hy gee om vir elke aspek van jou lewe. Jy is werklik kosbaar … vir Iemand wat iets kan dóén aan die dinge waaroor jy jou bekommer! Vertrou op sy liefde. Vertrou op sy hart.

God is volkome soewerein. Hy het oneindige wysheid. God is perfek in liefde. God wil in sy liefde altyd die beste vir ons hê. In sy wysheid weet Hy altyd wat die beste is en in sy soewereiniteit het Hy die krag om dit alles ’n werklikheid te maak. (Jerry Bridges)