Gereed Vir VandagVoorbeeld

God hou van “useless” mense

Nadat die ontwerper Philippe Starck gesukkel het om suurlemoensap oor sy vis uit te druk, het hy ’n suurlemoen-versapper ontwerp. Hy het ’n skets op ’n servet gemaak in die vorm van ’n metaal traandruppel met drie bene. Dit is die “Juicy Salif” gedoop. Hierdie ontwerp was ’n dawerende sukses, al het dit glad nie goed gewerk nie! Die servet met die skets op word selfs in die Alessi-museum in Milaan uitgestel. “Juicy Salifs” het in Amerikaanse kunsmuseums beland, en “sci-fi”-flieks het dit as model vir ruimteskepe gebruik.

Tegnies is die “Juicy Salif” ’n “useless” sukses. Selfs Starck moes erken: “Dit is nie bedoel om suurlemoene uit te druk nie, maar om gesprekke te begin.” Dalk werk genade ook so. Nee wag, dit werk beslis so! God hou van “useless” mense wat verlore geraak het. Hy hou van mense wat nie ewe veel van Hom hou nie. Daarom het Jesus ons kom opsoek. Hy het ons wat sy hand van genade vasgryp eiehandig terug gedra na sy Vader se huis. In Sefanja 3:17 se woorde is God nou stil-tevrede oor ons. Ons verskaf Hom groot vreugde. In 2 Korintiërs 3:18 se woorde verander Hy ons al hoe meer om sy glorie uit te straal.

Die Here weier dat daardie twee woorde waarvan die woord “useless” afstam, naamlik “use” en “less”, waar is van ons. Hy verklaar ons tot “use-ful” vir Homself. Hy maak ons nuttig en bruikbaar in sy diens.