GAAN JY HOM MIS?Voorbeeld

Voorbereiding Lesse:

Die verhaal van die Esseners van Qumran dien vir ons as ’n waarskuwing. Hierdie Joodse sekte het hulle toegewy aan die herskryf van sekere Skrifgedeeltes, die uitvoer van 'n rituele reinigingsbad en die voorbereiding vir ’n militêre Messias wat Romeinse heerskappy omver sal werp. Hulle het egter die doel van die Messias verkeerd verstaan en Yeshua misken, want Hy het gekom as ’n geestelike Verlosser en profesieë soos Jesaja 53:3,5 (AFR53) vervul: "Hy was verag en deur mense verlaat, ’n man van smarte ... deur sy wonde het daar vir ons genesing gekom."

Hul verkeerde verwagtinge herinner aan Lukas 19:41-44, waar Yeshua oor Jerusalem huil omdat hulle blind was vir sy koms. Net so merk Johannes 1:11 op: "Hy het na sy eiendom toe gekom, en tog het sy eie mense Hom nie aangeneem nie." Selfs die dissipels het hierdie misverstand ervaar, soos ons in Matteus 16:21-23 sien toe Petrus vir Yeshua berispe omdat Hy sy eie lyding voorspel het. Is daar plekke in jou lewe waar jou verwagting dalk verkeerd kan wees? Is jy bereid om jou denkwyse te verander, om te verander wat jy gedink het "reg" is na dit wat volgens die Woord van God die "waarheid" is?

Die vraag ontstaan oor die Esseners van Qumran: "Waarom het hulle Hom nie herken nie?" Is dit is omdat hulle die verkeerde verwagtinge gehad het? Dis ook vir ons 'n herinnering om nie in daardie strik te trap nie: Wat is jou verwagting? Jy kan nie 'n passiewe verwagting hê nie. Dit is belangrik om te leer uit die ervarings van ander, insluitend wat ons in die Bybel vind. Uit die misverstande van die Esseners kan ons lesse leer en so 'n bietjie wysheid kry om onsself op koers te hou.

Gebed: Vader, u Naam is heilig en groot en geen woord uit u mond sal leeg na U terugkeer nie. Mag dit wat U oor my lewe gespreek het my verwagting aanpas by u wil vir my lewe. Wys my en lei my om nie net uit my eie foute te leer nie, maar om te leer uit u lewende Woord. Ek bid dit in die Naam van Yeshua ons Koning. Amen.