Kry die toepGAAN JY HOM MIS?Voorbeeld
Aktiewe Wag:
Die oproep om aktief te wag, vereis dat gelowiges regverdige lewens lei en hul geloof deur dade weerspieël word. Jakobus 2:17 sê: "So gaan dit ook met die geloof: as dit nie tot dade oorgaan nie, is dit sonder meer dood." Dit word verder ondersteun deur 1 Johannes 3:7, wat sê: "Liewe kinders, moenie dat iemand julle mislei nie: wie regverdig lewe, is regverdig soos Hy regverdig is."
Gelowiges word in Filippense 2:12 aangemoedig om in "eerbied en ontsag" as verloste mense te lewe en "Laat julle lig so voor die mense skyn," volgens die oproep in Matteus 5:16. Om dus so aktief te wag, behels nie net persoonlike geestelike groei nie, maar ook om in die daaglikse lewe die leerstellings van God uit te leef en in regverdigheid te lewe, ter voorbereiding op Yeshua se terugkeer.
In ons aktiewe wag, moet ons seker wees ons is regverdig voor die Vader, maar ook dat ons ander na Yeshua ons Messias toe lei.
Gebed: Vader ek kom voor U in hierdie wagtydperk en vra dat dit nie 'n tyd sal wees waarin ek staties sit en soos stof vergaan nie, maar 'n tyd waarin ek aktief na U soek, waarin ek aktief ander na U toe lei en hulle vertel van hierdie wonderlike pad wat Yeshua vir ons gemaak het, terug tot by U. Ek bid dit in die Naam van Yeshua. Amen.
Aangaande hierdie leesplan
Yeshua kom terug! Die onvermydelike terugkeer van Yeshua is 'n waarheid wat ons binne die dieptes van ons wese moet koester. Dit is 'n idee wat deur ons siele weergalm, en weergalm in die kamers van ons gees. Die heilige tekste spoor ons aan om die verantwoordelikheid van gereedheid te dra, en herinner ons daaraan dat dit op ons rus om waaksaam te wees vir sy terugkoms. Wie in die Bybel het al vir Yeshua gewag? Wat doen ons totdat Hy terugkeer? Wat is ons verwagting? Sluit by ons aan op hierdie grootse avontuur!
More
Ons wil graag Hebrew People bedank vir die verskaffing van hierdie plan. Vir meer inligting, besoek asseblief: hebrewpeople.com
