GAAN JY HOM MIS?Voorbeeld

Die doel van Yeshua se Terugkeer

Yeshua se terugkeer word beskryf as ’n diep geestelike gebeurtenis, uitgebeeld in Openbaring 19:7-8: "Die bruilof van die Lam het aangebreek, en sy bruid het haar daarvoor gereed gemaak. God het haar dit vergun om fyn, helder blink klere aan te trek.” Die fyn klere simboliseer die regverdige dade van die gelowiges. Hierdie metafoor van Yeshua as die bruidegom en die gemeenskap van gelowiges as sy bruid word ook na verwys in Efesiërs 5:25-27, waar Yeshua die liggaam vergelyk met die "kerk" sodat "Hy die kerk in volle heerlikheid by Hom kan neem, sonder vlek of rimpel of iets dergeliks, heilig en onberispelik". Psalm 24:4 verduidelik mooi vir ons wie voor Hom kan verskyn en wat van ons verwag word. ’n Bruilof bring egter in alle gevalle ’n tweerigting verwagting, of hoe?

Die gelykenis van die tien maagde in Matteus 25:1-13 beklemtoon die belangrikheid om vir die bruidegom se koms gereed te wees, terwyl Johannes 14:2-3 vertroosting bied: "Ek gaan om vir julle plek gereed te maak ... Ek [kom] terug en sal julle na My toe neem." Yeshua se terugkoms gaan nie oor 'n fisiese oorlogvoering nie, maar oor die herwinning van ’n geestelik voorbereide bruid, wat die belangrikheid van gereedheid en getrouheid beklemtoon.

Hy kom beslis terug om sy bruid te kom haal en ons moet onsself as bruid met hierdie dade van geregtigheid voorberei.

Gebed: Wys my die verwagtinge wat U as my bruidegom van my het en help my om u verwagting van my te eer en te onthou. Vader, help my ook om voor U, my Koning, my hande rein en my hart suiwer te hou. Ek bid dit in die Naam van Yeshua. Amen.