Hoe Om Te Lei Wanneer Jy Nie In Beheer Is NieVoorbeeld

Kies Positiwiteit 

Alhoewel ek nog nooit 'n nag in die tronk deurgebring het nie, was ek wel 'n paar keer vir detensie gestuur toe ek op hoërskool was.  Ek onthou nog my gemoedstoestand.  Ek was vir seker nie gereed om enige iets positief oor die wêreld te skryf nie.  My siening van die wêreld was vol vrees en woede, en nogal negatief.  Nie vir Paulus nie.  Paulus was in boeie toe hy die volgende verse geskryf het: “Ek wil hê julle moet weet, broers, dat wat my oorgekom het, juis die verkondiging van die evangelie bevorder het. Dit het daarop uitgeloop dat die hele keiserlike wag en al die ander nou besef dat dit ter wille van Christus is dat ek ’n gevangene is. Deur my boeie is die meeste broers ook in hulle vertroue op die Here gesterk, en hulle waag dit al hoe meer om die woord van God onbevrees te verkondig.” (Fil. 1:12–13, my beklemtoning).

Wat?!?  Op een of ander manier was Paulus in staat om sy kop op te tel te midde van hierdie donker omstandigheid, en die groter prentjie te sien van geleenthede wat voor hom was.  Hy was oortuig dat God besig was met iets groter, ten spyte van sy omstandigheid.  Sy boeie het van nutteloosheid gespreek, 'n soort doodloopstraat.  Maar hy het nie toegelaat dat die boeie sy visie bepaal nie.  In stede daarvan, het hy sy boeie deur 'n panoptiese lens beskou. ('n lens wat alles sigbaar maak)  In stede daarvan om die boeie as beperkings vir sy bediening te sien, het hy dit as nuttig beskou, 'n aanduiding dat hy geseënd was en besig om vorentoe te beweeg in God se doel vir sy lewe.

Die manier waarop jy kyk is belangriker as die tragedie.

Die manier waarop jy kyk is sterker as die ondergang.

Die manier waarop jy sien is groter as die fyn besonderhede van die katastrofe.

Een van die grootste verantwoordelikhede van 'n leier, ongeag of jy invloed het of nie, is om positiwiteit te kies met betrekking tot die omstandigheid waarin jy is.  Niemand het vandag meer beheer oor jou gesindheid as jyself nie.  En soos wat jy 'n hoopgevulde, toekomsgerigte denke, kan-doen-houding kies, kan jy meer invloed kweek as wat jy ooit gedink het jy kan.  Dit begin egter met 'n keuse vir positiwiteit, ongeag wat die omstandigheid is.