ትግል እና ድል ፡- እግዚአብሔር እኔን ማን ይለኛል?ናሙና

ይቅር ተብያለሁ

“ምሥራቅ ከምዕራብ እንደሚርቅ እንዲሁ ኃጢአታችንን ከእኛ አራቀ።”መዝሙረ ዳዊት 103፡12

ፍጥነትህ ፣ ኢላማህ ፣ የምትስታቸው ዕድሎች ፣ ጥንካሬህ ፣ መሻሻሎችህ ወይም ድክመቶችህ ይህ ሁሉ በስፖርት ዓለም ውስጥ በከፍተኛ ደረጃ ሊለካ የሚችል ነገር ነው፡፡ እንደ አትሌቶች የምንኖረው በዚህ ዓይነት ሁኔታ ውስጥ ነው፡፡ የኃጢአቴን ይቅርታ ለመገንዘብ አዳጋች የሚሆንብኝ በዚህ ምክንያት ነው፡፡

መዝሙረ ዳዊት 103፡12“ምሥራቅ ከምዕራብ እንደሚርቅ እንዲሁ ኃጢአታችንን ከእኛ አራቀ።” በማለት ይናገራል፡፡በሌላ አነጋገር ልጆቹ በምንሆንበት ወቅት ልንገምተውው ከምንችለው በላይ ጥፋታችንን አርቆ ያስወግደዋል፡፡

ይህ መለኪያ መሥፈርቱ ሊገባን የሚችል ነገር አይደለም፡፡”ምሥራቅ ከምዕራብ እንደሚርቅ”…ይሄንን እንዴት ለመረዳት እንዴት እንችላለን?ከሰዎች ጋር ባለኝ ግንኙነት ውስጥ ችግር የምፈጥር ብሆን ያ ይሸፍንልኛል ማለት ነው?ያለብኝን መጥፎ ባህርይ አሽቀንጥሬ ለመጣል ስፈልግ እርሱ አሽቀንጥሮ ጥሎኝ እንደሆነስ?ወይም ደግሞ በውድድር መሐል ለሚሊዮን ጊዜ ትዕግሥት አጥቼ ቢሆንስ?

ለመለካት የማይቻል ርቀትን እዚህ ሥፍራ ላይ የሚያመሳስለው ከእግዚአብሔር የማይለካ ፍቅርና ቸርነት ጋር ነው፡፡ይቅርታው ሊለካ የማይችል ነው ወይም ደግሞ በእኛ በሰዎች መለኪያ የሚወሰንና የሚገደብ ነገር አይደለም፡፡

መጥፎ ሥራዎቻችሁን አርቆ አስወግዶታል፡፡እጅግ መጥፎ የሆኑትን ነገሮች እንኳን ሣይቀር፡፡ይሄንን ምሥራቅ ከምዕራብ እንደሚርቅ ነው የሚያርቅልን፡፡ከእናንተ ላይ ይወገዳሉ፡፡ሙሉ ሙሉ ይቅር ስለተባላችሁ እነዚህ ነገሮች አሁን የእናንተ ችግሮች አይሆኑም፡፡

ይህንን ጥቅስ ተከትሎ ያለው ጥቅስ አባት ለልጁ ስለሚያሣየው ርህራሄ ይናገራል፡፡በኃጢአት ውስጥ በምትዘፈቁበት ወቅት ለእናንተ ርህራሄን ያሣያል፡፡ከእርሱ ጋር በእጅጉ እንድትቀርቡ ይመኛል፡፡ኃጢአት ከእርሱ የሚለየን ስለሆነ ከኃጢአት ጋር አብሮ መኖር አይችልም፡፡እናንተን ከማስወገድ ይልቅ ወደ እርሱ ትቀርቡ ዘንድ እግዚአብሔር ኃጢአታችሁን ያስወግደዋል፡፡

የተወደዳችሁ አትሌቶች ሆይ ፈፅሞ ይቅር ተብላችኋል፡፡እናንተ ያለፉት ሥሕተቶቻችሁ ውጤቶች አይደላችሁም፡፡እግዚአብሔር ለእናንተ ያለው ፍቅርና ምሕረት መለኪያ የሌለው ነው፡፡

እናንተ ሐፍረትና ሥቃይ የሚሆንባችሁንና ይሄስ እጅግ መጥፎ ነገር ስለሆነ ወደ እርሱ ፊት ይዤው ልቀርብ አልችልም ያላችሁትን ነገር ሣይቀር ይቅር ይልላችኋል፡፡እኛ ከመንገዱ የራቅን ተከታዮች ብንሆንም ደግነቱና ይቅር የሚል አባትነቱን ግን አይለወጥም፡፡በትኩረት የምትታዩ፤የተወደዳችሁና ይቅር የተባላችሁ ናችሁ፡፡ነውር የሌለብኝ ሰው ነኝ፡፡

ኢየሱስ ስራችንን ስለ ሰራልን በራሳችን ብቃት ያለን ሰዎች እንደሆንን ለማረጋገጥ ከእንግዲህ ወዲህ ምንም ጥረት ማድረግ አይገባንም፡፡ ያለፈው ፤ የአሁኑና የወደፊቱ ሕይወታችን ምንም ይምሰል ከኢየሱስ ጋር ባለን ግንኙነት አዲስ ሕይወት ተሰጥቶናል፡፡እግዚአብሔር የሰራነውን ክፉ ድርጊት ሁሉ አያስበውም፡፡

ተግባራዊ እርምጃ ፡-እግዚአብሔር በኢየሱስ ጥፋተኛ እንዳልሆናችሁ አድርጎ ስለሚቆጥራችሁ ጥቂት ደቂቃዎችን ወስዳችሁ እግዚአብሔርን አመስግኑት፡፡ጥቂት ደቂቃዎችን ወስዳችሁ ከሐፍረትና ከፀፀት እንዴት ነፃ ሊያድርጋችሁ እንደሚችል አሰላስሉ፡፡