لشهر مارس؛ رحمات جديدة كل صباحعينة

أه، حياتك عامرة بالفوضى وصعيبة، ولكن هادشي ماشي بسباب فشل في الخطة؛ هادي هي الخطة. هي أن الله خدّام باش يكمّل شنو هو بدا.

هي مختلفة كليّا على الطريقة اللّي كنفكرو بيها عادةً في النعمة. هي ماشي الطريقة اللّي كنفكرو بيها في محبة الله. هي ماكتبانش لينا حكيمة ومزيانة. هي كتخلّينا نتسائلو على أمانة الله ومحبته. هي ماشي داكشي اللّي ضنينا أننا سنينا عليه ملّي حطّينا تيقتنا في يسوع المسيح. هي ماشي شي تعريف نمودجي للحياة المزيانة، وكتخلّينا نفكرو أحيانًا بلّي الله راه مامنتابهش وبلّي راه الأشرار كيربحو.

نت كتطيح في الشبكة باش تفكّر بلّي حيت نت ولد الله، راه حياتك خاصها تكون سهل وتقدر تتوقّعها بسهولة وأكيد خاصها تكون مريحة كتر. ولكن راه ماشي هادشي اللّي كيعلّم الكتاب المقدس. عوض هادشي، الكتاب المقدس كيكشف بلّي المشاكل هي جزء من خطة الله ليك. هادشي كيعني أنك إلا كنتي ولد الله، فماخاصّكش أبدًا تسمح لنفسك تفكّر بلّي الحوايج الصعيبة اللّي كتدوز منها دابا هي فشل في صفات الله أولا في وعوده أولا قوته أولا خطته. ماخاصكش تسمح لنفسك تفكّر بلّي الله عطاك بظهره. ماخاصكش تخلّي نفسك تبدا تقتنع بالاحتمال أن الله ماشي مستحق التقة كيما كنتي كتضن. ماخاصكش تخلّي نفسك تدير أي حاجة من هاد الحاجات، حيت ملّي تبدا تشك في التقوى ديال الله، فراك غادي توقف تمشي لعنده من أجل المساعدة. كيما كتشوف، ماغاديش تجري وتطلب المساعدة من ديك الصفات اللّي شكيتي فيها.

الله ختار باش يخلّيك تعيش في هاد العالم الساقط حيت هو كيخطط باش يستعمل الصعوبات دياله باش يزيد ويكمّل خدمته فيك. هادشي كيعني أن ديك الأوقات الصعيبة هي ماشي مقاطعة لخطته أولا فشل خطته، ولكن هي جزء مهم من خطته. كنضن بلّي كاينين أوقات بالنسبة للبزّاف منّا فاش كنطلبو نعمة الله وكناخدوها- ولكن ماشي النعمة اللّي كنقلبو عليها. بغينا نعمة ديال الراحة أولا التحرير. كناخدوهم في أجزاء صغار، ولكن هما مازال ماجاو بشكل كامل. كل ماكنحتاجوه كلنا دابا هو نعمة التغيير. نعمة الله ماشي ديما ممتعة. غالبًا ماكتجي على شكل شي حاجة ماكنّاش نختارو ندوزو منها كون كنّا حنا اللّي كنتحكمو في الأمور.

كلنا كنحتاجو نعلّمو ونشجعو بعضياتنا من خلال العقيدة ديال النعمة اللّي هي ماشي مريحة، حيت في هاد الجهة من الأبدية، غالبًا ما كتجي نعمة الله لينا في أشكال ماشي مريحة. يقدر يكون ماشي هادشي اللّي بغيناه أنا ونت، ولكن راه هادشي اللّي حنا محتاجينه بالضبط. الله أمين؛ غيستخدم الانكسار ديال العالم اللّي هو عنوانك الحالي باش يكمّل العمل المحب ديال التغيير الشخصي اللّي بداه. دابا، هادي هي النعمة!

من أجل دراسة وتشجيع كتر: مزمور 66