Popular Bible Verses from मरकुस 13

Share

अन् माह्यावर विश्वास केल्याने तवा लोकं तुमचा राग करतीन, पण जे आखरी परेंत धीरज ठेवतीन, अन् पृथ्वीवर मरेपरेंत माह्या मांग चालतीन तो पापाच्या सजे पासून देवाच्या व्दारे वाचवल्या जाईन.”

पाहा जागी रा, अन् प्रार्थना करत राहा, कावून कि तुमी नाई जानसाल कि तो वेळ कधी येणार, जवा मी वापस येईन.

जवा ते तुमाले न्यायालयात घेऊन जातीन, तुमची चौकशी करतीन, अधिकाऱ्याच्या हाती सोपून देतीन, तवा तुमी पयलेस काळजी करू नका, कि आमी काय बोलू, पण जे काई तुमाले बोला लागीन ते तुमाले तवा जे काई देव तुमाले म्हणीन, तेच बोल्याचं, कारण कि तवा बोलणारे तुमी नाई पण पवित्र आत्मा राईन.

अभायाचा व पृथ्वीचा नाश होईन, पण माह्य वचन कधीच पूर्ण झाल्या शिवाय रायणार नाई.”

“अन् ह्या गोष्टी कोणत्या वेळी अन् कोणत्या दिवसात होतीन हे कोणालेच माहीत नाई, देवदूताले पण मालूम नाई, देवाच्या पोराले पण मालूम नाई, फक्त स्वर्गातल्या देवबापालेच मालूम हाय.

जवा तुमी लढाया मांग लढायाच्या विषयी आयकसान, तवा तुमी भेऊ नका, कावून कि हे होणे पक्के हाय, पण हा जगाचा अंत नाई हाय.

म्हणून येशूनं आपल्या शिष्यायले म्हतलं, जागी राहा कारण कि घरधनी कधी येईन, संध्याकाळी, नाई तर अर्ध्याराती, नाई तन कोंबड्याच्या बाग देयाच्या वाक्ती, नाई तर सकाळी येईन. असं नाई झालं पायजे कि तो अचानक येऊन तुमाले झोपीत असतांना पाहावं. अन् जे मी तुमाले सांगतो, तेच सर्व्यायले सांगतो, कि मी येणार हाय म्हणून तयार राहा.”

मंग एका जातीचे लोकं अन्यजातीच्या लोकायवर हमला करतीन, अन् एका देशाचे लोकं दुसऱ्या देशाच्या लोकायच्या विरुध्य लढाई करतीन, अन् कुठीसा पण भूपंक होईन, व अकाल पडीन, ही ताडना गर्भवती बाईला जवा लेकरू व्हायची सुरुवात होते त्या वेदने पेक्षा जास्त राईन.

या आगोदर हे पण कि जगाच्या शेवट येण्याच्या पयले माह्या विषयाची सुवार्था अन्यजातीच्या लोकाई परेंत, प्रचार केल्या जाईन.

बरेचं लोकं माह्या नावाचा उपयोग करून येतीन, अन् म्हणतीन, कि मी ख्रिस्त हावो, असे म्हणून बऱ्याचं लोकायले विश्वासात घेऊन फसवतीन.

पण तुमी आपल्या विषयात सावध राहा, कावून कि तुमचे वैरी तुमाले, न्यायसभेत घेऊन जातीन, अन् धार्मिक सभास्थानात तुमाले दंड देतीन, माह्य अनुसरण केल्यामुळे तुमाले शिपाई राजाईच्या समोर उभं करतीन, कावून कि तुमी अन्यजाती लोकायले देवाचा संदेश द्यावा.

कावून कि खोटे ख्रिस्त, अन् खोटे भविष्यवक्ता येतीन, अन् मोठं-मोठे चमत्कार अन् अद्भभुत कामे दाखवतीन, अन् निवळलेल्या विश्वासी लोकायले पण भ्रमात पाडतीन.

“त्या दिवसात हे दुख संकट येऊन गेल्यावर, मंग सुर्य अंधारमय होईन, अन् चंद्र ऊजीळ देणार नाई. अभायातून तारे पडतीन, अन् अभायातल्या ताकती हालून जाईन.