Vèsè popilè nan Bib la ki soti nan Rroman 8

Pataje

Ikiyielo nchere kore pooki naasai, naa kesupataki lolo oaacham Nkai, lolo ooipotoki ana nayieu ꞉Nkai.

Amu kaata sipata ajo, mara lkiye, namara nkichon, namara lmalaikani, namara laitoriak, namara mbaa naatii taata, namara mbaa naapuonu kenya, namara ngolon naje, namara te keper lakir tanaa tokop, namara nkae toki naitibiruaki naidim atoorie iyioo nchaman e Nkai inia natii atua Kristo Yeso Laitoriani lang.

Nejia sii eiko Ltau Sinyati teneretu iyioo ta nchalan ang. Amu kore inia nayiere payie kiomonu naa mikiyielo. Kake keomonoki iyioo ninye to nkoitiei nemelimunoi tee rerei.

Kaa hae, nyo naa taata kijo naaipirita kuna baa? Amaa tanaa keti Nkai mbata aang, ng'ae ilo oidim atarere iyioo?

Naaku kore taata, merekure eatae nkiguana torno too lolo otii atua Kristo Yeso.

Amu kore natum ilo oitore ꞉mbaa e mpukunoto torno e ltung'ani naa lkiye, kake kore natum ilo oitore ꞉mbaa e Ltau Sinyati naa nkichui o seriani.

Meitoki naidim atoorie iyioo! Kore te nenia baa pooki, naa ikisul katukul, te ilo oatachama iyioo.

Kadol ajo kore sina le ng'amata e taata, naa meitoki tenetemieki inia kitoo naibalunyieki kenya metaa nanang.

Ng'ae oidim atoorie iyioo chaman e Kristo? Keidim sa nyamali anaa sina? Oo sa teneitam iyioo ltung'ana sina, tanaa tenear iyioo sumach, tanaa tinimikiata nkilani, tanaa tenetum iyioo ntoki nagol, tanaa teneri iyioo matuata?

Naa kore ilo oing'uraa ltauja loo ltung'ana naa keyielo inia nayieu Ltau Sinyati, amu keomonoki sinyat le Nkai ana nayieu ꞉Nkai.

Naa kore pooki oorikoo ꞉Ltau le Nkai naa nkera e Nkai.

Amu kore lolo ooirukurukore naayieu mpukunoto torno naa nenia baa e mpukunoto torno enche eparraa. Kake kore lolo ooirukurukore mbaa naayieu Ltau Sinyati, naa nenia baa e Ltau Sinyati eparraa.

Amaa ilo leitu emit eri Nkerai enye metua, kake keichorua metanang'a iyioo pooki, aji naa eiko payie meicho iyioo ntokitin pooki pecheu eichoo iyioo Nkerai enye?

Ilo Tau olimu sipata tenebo o ltauja lang ajo ikira iyioo nkera e Nkai. Naa tanaa nkera e Nkai kira, ikira sii lootum tenebo o Kristo inia naisiligie iyioo Nkai, naa tanaa iking'ar sina lenye, iking'ar sii nkitoo enye.

Amu kore ltung'ani oitore ꞉mpukunoto torno, naa lmang'antita le Nkai, nemeyieu ninye payie eitore ꞉nkitanapat e Nkai, nemeidim abaki neicho meitoria.

Kore ntokitin pooki naaitibirua ꞉Nkai, naa keisiluguta oleng ꞉ninche oleng nkera e Nkai meibalunyieki.

Ikiyielo aajo kore ntokitin pooki naaitibiruaki, naa keigorito nesaisai pooki metabaki taata