Vèsè popilè nan Bib la ki soti nan Fuɗɗoode 1

Pataje

Ɓaawo mum, Alla wi'i: En tagu neɗɗo nanduɗo en deydey. O laamanoo liƴƴi maayo e colli piiranɗi dow, e mareefuuji gonuɗi der leydi fu, e ko ladata dow leydi fu. Ɗon nun Alla tagi neɗɗo nanduɗo mo deydey. O tagi ɓe gorko e debbo.

Alla barkiɗini ɓe o wi'i: Dimee ɗuuɗon, kebbinon leydi, laamoɗon dow mayri. Laamanee liƴƴi der maayo, e colli piiranɗi dow, e mareefuuji gonuɗi der leydi fu.

Diga fuɗɗoode, Alla tagii dow e leydi.

Leydi jiɓino nun. Ni walaano fu goɗɗum e mayri, niwre nun ommunoo maayo, go Ruuhu Alla e yiiloo dow diyam.

Alla wi'i: Jayŋol laatoo! Go jayŋol laatii.

Alla yi'ii ko waɗi fu e wooɗi sanne. Kiikiiɗe laatii, subaka bo laatii, kayre woni nyalaane jeego'awre.

Alla yi'ii eŋol wooɗi, go Alla seenni jayŋol e niwre.

Alla wi'i kade: Mi hokkii on fuɗo gonuko dow leydi, dimanko ɓikkon fu, e leggal dimoowal ɓikkon fu, ɗum fu ɗum laatoo nafa mon.

Alla noddi jayŋol nyalooma, o noddi bo niwre jemma. Kiikiiɗe laatii, subaka bo laatii, kayre woni nyalaane arandeere.

Alla wi'i: Goɗɗum laatoo hakkune diyeele nanduɗum hande gurol, gam ɗum seenna ɗe hakkune majje, ɗum laatii hande non.

O wi'i kade: Mareefuuji jahooji dow leydi fu, e colli, e ko woodi yonki fu, o hokkii ɗum fuɗo hecco ko laato nyaamdu majji. Ɗum laatii hande non.

Alla wi'i: Jayli laatoo dow gam seennontirgo nyalooma e jemma, ɗum laatoo maane gam seennontirgo wakkatiiji e nyalaaɗe e duuɓi.

Ɓaawo mum, Alla wi'i: Leydi fuɗina fuɗo gooduko aawdiiji e leɗɗe dimooje ɓikkon ŋale fu e lenyol mum. Ɗum laatii hande non.

Alla weƴƴitii goɗɗum nanduɗum hande gurol hakkune diyeele ɗe ley e ɗe dow.

Leydi fuɗini fuɗo gooduko ɓikkon feere feere, kole fu e lenyol mum, e leɗɗe dimooje ɓikkon, ŋale fu e lenyol mum. Alla yi'ii eɗum wooɗi.

Alla waɗi jayli mawɗi ɗiɗi. Ɓurŋol mawnugo woni naaŋe, gam ŋol laamanoo nyalooma, ɓurŋol faanɗugo woni lewru gam ŋol laamanoo jemma. O waɗi bo koode.

Alla wi'i diyam gonuɗam ley kammu hawta nokkuure woore, den jorɗum wurtoo. Ɗum laatii hande non. Alla noddi jorɗum leydi, o noddi bo beele diyam ɗen maayo. Alla yi'ii eɗum wooɗi.

Alla barkiɗini ɗi wi'i, ɗi dima ɗi ɗuuɗa, ɗi kebbina maayo, colli bo ɗuuɗa der leydi.

Alla wi'i, mareefuuji feere feere rima ɗuuɗa der leydi, ɗi laatoo mareefuuji wuro, e ladooji, e tewuji ladde, ŋole fu e lenyol mum. Ɗum laatii hande non.

Alla wi'i: Diyam wurtina ko woodi yonki faa ɗuuɗa, colli bo fiira faa dow.

Alla waɗi tewuji ladde feere feere e lenyi mum, e mareefuuji wuro e lenyi mum, e ladooji feere feere e lenyi mum. Alla yi'ii eɗum wooɗi.