ការរស់នៅជាមួយកម្លាំង និងភាពក្លាហានគំរូ

“ព្រះអង្គបានយាងមករកអ្នក”

សេចក្តីសន្យាសម្រាប់ជីវិតអស់កល្ប   គឺជាលទ្ធផលដែលព្រះបានយាងមករកយើង ជាជាងមនុស្សព្យាយាមប្រឹងប្រែង   និងស្វែងរកព្រះអង្គនៅកន្លែងខ្លះដែលនៅឆ្ងាយ។ 

តាំងពីដើមដំបូងព្រះជាម្ចាស់បានស្រលាញ់យើងម្នាក់ៗជាមួយសេចក្តីស្រលាញ់ដែលឥតមានល័ក្ខខ័ណ្ឌ   និងមិនចេះប្រែប្រួល។​​​ គោលបំណងដំបូងរបស់ព្រះអង្គ   គឺព្រះអង្គចង់មានទំនាក់ទំនងដែលរឹងមាំ និងរស់រវើកជាមួយយើងគ្រប់ៗគ្នា។ ទោះបីជាយ៉ាងណា   នៅពេលអដាំ និងអេវ៉ាមិន

ស្តាប់បង្គាប់ព្រះនៅក្នុងសួនច្បារ   អំពើបាបរបស់ពួកគេបានបង្កើតរនាំងខ័ណ្ឌគេ និងព្រះជាម្ចាស់។   យើងបានចាប់ផ្តើមដាច់ចេញពីព្រះជារៀងរហូត។ 

ជាជាងការដែលអនុញ្ញាត្តិឲ្យយើងនៅតែដាច់ចេញពីព្រះអង្គ   ព្រះជាម្ចាស់បានរៀបចំផែនការដ៏អស្ចារ្យ សម្រាប់ស្តារឡើងវិញ តាមរយ:សេចក្តីស្រលាញ់ដែលមិនចេះចប់   និងព្រះគុណរបស់ព្រះអង្គសម្រាប់យើង។ គោលបំណងនៃផែនការរបស់ព្រះអង្គ   គឺជាការស្តារនូវភាពពេញលេញឡើងវិញ។ 

សូម្បីតែភាពជិតស្និទ្ធនៃទំនាក់ទំនងរបស់ព្រះអង្គជាមួយនឹងមនុស្ស   ដែលបានកើតឡើងមុនអដាំ និងអេវ៉ាធ្លាក់ក្នុងអំពើ

បាប។ 

ជាង២០០០ ឆ្នាំមុន ព្រះជាម្ចាស់បានបញ្ជូនព្រះរាជបុត្រារបស់ព្រះអង្គមកផែនដី   ដើម្បីដកនូវរនាំងដែលបានខ័ណ្ឌដោយអំពើបាប   និងរៀបចំការសង្គ្រោះសម្រាប់យើងទាំងអស់គ្នា។ 

“ព្រះជាម្ចាស់ស្រលាញ់មនុស្សលោកខ្លាំងណាស់​   ហេតុនេះហើយបានជាព្រះអង្គប្រទានព្រះបុត្រាតែមួយរបស់ព្រះអង្គមក   ដើម្បីឲ្យអស់អ្នកដែលជឿលើព្រះបុត្រាមានជីវិតអស់កល្បជានិច្ច គឺមិនឲ្យគេវិនាសឡើយ។   ព្រះជាម្ចាស់បានចាត់ព្រះបុត្រារបស់ព្រះអង្គ ឲ្យយាងមកក្នុងលោកនេះ   ពុំមែនដើម្បីដាក់ទោសមនុស្សលោកទេ គឹដើម្បីសង្គ្រោះមនុស្សលោក ដោយសារព្រះបុត្រាវិញ។   ” យ៉ូហាន ៣:១៦-១៧

តាមរយ:ការសុគត និងការរស់ឡើងវិញរបស់ព្រះអង្គ ព្រះយេស៊ូបានធ្វើការបង់ថ្លៃទាំងអស់ជំនួសឲ្យយើងទាំងអស់គ្នា​សម្រាប់ឈ្នួលនៃអំពើបាប   និងដកគ្រប់ទាំងរនាំងរវាងយើង និងព្រះជាម្ចាស់។   ការអត់ទោសនេះគឺសម្រាប់អស់អ្នកដែលគ្រាន់តែទទួលព្រះអង្គធ្វើជាព្រះសង្គ្រោះរបស់ពួកគេ។   

ប៉ុន្តែនេះគ្រាន់តែជាចំនុចចាប់ផ្តើមប៉ុណ្ណោះ មុនពេលដែលព្រះយេស៊ូបញ្ចប់ពេលវេលារបស់ព្រះអង្គនៅលើផែនដី   ដើម្បីវិលទៅឯព្រះបិតានៅស្ថានសួគ៌។ ព្រះអង្គបានពណ៌នាអំពីផែនការដ៏ធំមួយទៀត   ដែលសំខាន់ទៅកាន់សិស្សរបស់ព្រះអង្គ​ ដើម្បីស្តារមនុស្សឲ្យបានពេញលេញទៅឯព្រះអង្គ។ 

“ក្នុងតំណាក់របស់ព្រះបិតាខ្ញុំ មានលំនៅជាច្រើន   បើពុំដូច្នោះទេ   ខ្ញុំមិនបានប្រាប់អ្នករាល់គ្នាថាខ្ញុំទៅរៀបចំកន្លែងទុកឲ្យអ្នករាល់គ្នាឡើយ។   ពេលខ្ញុំទៅរៀបចំកន្លែងទុកឲ្យអ្នករាល់គ្នារួចហើយ   ខ្ញុំនឹងត្រលប់មកវិញយកអ្នករាល់គ្នាទៅជាមួយខ្ញុំ   ដើម្បីឲ្យអ្នករាល់គ្នាបាននៅកន្លែងដែលខ្ញុំនៅ។ ” 

យ៉ូហាន ១៤:២-៣

ព្រះជាម្ចាស់មិនមែនបញ្ជូនព្រះយេស៊ូគ្រាន់តែមកដករនាំងនៃអំពើបាបយើងប៉ុណ្ណោះទេ   ប៉ុន្តែនៅថ្ងៃមួយនាពេលអនាគត ព្រះយេស៊ូនឹងត្រលប់មកវិញទទួលគ្រប់អ្នកជឿទាំងអស់ទៅ “តំណាក់”   ជាមួយព្រះអង្គរៀងរហូត។