ទាញយកកម្មវិធីBibleProject | ការឆ្លុះបញ្ចាំងលើការយាងមកដល់គំរូ
ព្យាការីអេសាយបានទន្ទឹងរង់ចាំការយាងមកដល់របស់ស្តេចនៃសេចក្តីសុខសាន្ត គឺស្ដេចដែលសោយរាជ្យដោយនាំមកនូវសាឡូមអស់កល្បជានិច្ច។ ពាក្យរបស់ព្យាការីអេសាយបានសម្រេចសព្វគ្រប់តាមការយាងមកដល់របស់ព្រះយេស៊ូវ។ នេះជាមូលហេតុសំខាន់ដែលទេវតាពណ៌កំណើតរបស់ព្រះយេស៊ូវថាជា''សេចក្ដីសុខសាន្តនៅផែនដី''។
សូមអាន៖
លូកា ២:៩-១៥
ឆ្លុះបញ្ចាំង៖
តើលោកអ្នកគិតថា ហេតុអ្វីបានជាព្រះជាម្ចាស់ប្រកាសអំពីការយាងមកដល់របស់ស្ដេច ប្រាប់គង្វាល ដែលគ្មានអ្នកណាស្គាល់អ៊ីចឹង? តើរឿងនេះប្រាប់អ្វីដល់លោកអ្នកអំពីនិស្ស័យរបស់ព្រះជាម្ចាស់ និងព្រះរាជ្យរបស់ព្រះអង្គ? សូមស្រមៃថា លោកអ្នកកំពុងនៅទីនោះជាមួយពួកគង្វាលនៅយប់នោះ។ តើអ្នកមានអារម្មណ៍ដូចម្ដេច? តើលោកអ្នកនឹងឆ្លើយតបយ៉ាងដូចម្តេច? សូមកត់សម្គាល់ពាក្យ “ស្ថានដ៏ខ្ពស់បំផុត” និងពាក្យ “ផែនដី” នៅពេលទេវតាប្រកាសដោយថ្វាយបង្គំ។ ពេលព្រះយេស៊ូវចាប់កំណើត តើមានអ្វីមកពីស្ថានដ៏ខ្ពស់ចុះមកផែនដី? តើដំណឹងល្អនេះមានន័យដូចម្ដេច? សូមឱ្យការឆ្លុះបញ្ចាំងរបស់លោកអ្នកជំរុញឱ្យមានការអធិស្ឋាន ដើម្បីបញ្ចេញអារម្មណ៍កោតសរសើរ និងដឹងគុណរបស់លោកអ្នក។
អត្ថបទគម្ពីរ
អំពីគម្រោងអាននេះ
BibleProject បានរចនាឡើង ដើម្បីធ្វើការឆ្លុះបញ្ចាំងលើការយាងមកដល់ ដើម្បីបំផុសគំនិតដល់បុគ្គលម្នាក់ៗ ក្រុមតូច ព្រមទាំងក្រុមគ្រួសារ ក្នុងការអបអរសារទរចំពោះការយាងមកដល់របស់ព្រះយេស៊ូវ។ ផែនការរយៈពេលបួនសប្តាហ៍នេះរួមបញ្ចូលទាំងវីដេអូមានចលនា សេចក្តីសង្ខេបខ្លី និងសំណួរឆ្លុះបញ្ចាំង ដើម្បីជួយអ្នកចូលរួមស្វែងយល់ពីអត្ថន័យនៅក្នុងព្រះគម្ពីរ អំពីពាក្យថា សេចក្តីសង្ឃឹម សេចក្តីសុខសាន្ត អំណរ និងសេចក្តីស្រឡាញ់។ សូមជ្រើសរើសផែនការនេះដើម្បីស្វែងយល់ពីរបៀបដែលគុណតម្លៃទាំងបួននេះបានមកដល់ក្នុងពិភពលោកតាមរយៈព្រះយេស៊ូវ។
More
យើងសូមអរគុណដល់ BibleProject ដែលបានផ្តល់នូវផែនការនេះ។ សម្រាប់ព័ត៌មានបន្ថែម សូមចូលទៅកាន់៖ https://bibleproject.com
