BibleProject | ការឆ្លុះបញ្ចាំងលើការយាងមកដល់គំរូ

ព្រះយេស៊ូវមានបន្ទូលថា ស្តង់ដារចុងក្រោយនៃសេចក្តីស្រឡាញ់ដ៏ពិត គឺរបៀបដែលលោកអ្នកប្រព្រឹត្តចំពោះមនុស្ស ដែលអ្នកមិនអាចទ្រាំបាន ឬនៅក្នុងបន្ទូលរបស់ព្រះអង្គថា “អ្នករាល់ត្រូវស្រឡាញ់សត្រូវរបស់អ្នករាល់គ្នា ហើយធ្វើល្អចំពោះពួកគេដោយមិនរំពឹងថា បានអ្វីមកវិញ”។ ចំពោះព្រះយេស៊ូវ សេចក្តីស្រឡាញ់បែបនេះយកគំរូតាមព្រះរាជលក្ខណៈរបស់ព្រះជាម្ចាស់ផ្ទាល់។ 

សូមអាន៖

​​​​​​​​​​​​​​​​​​លូកា ៦:២៧-៣៦

ឆ្លុះបញ្ចាំង៖

​​​​​​​​​​​​​​​តើអ្នកកត់សម្គាល់ឃើញអ្វីខ្លះ? ពេលលោកអ្នកអាន តើមានសំណួរ គំនិត និងអារម្មណ៍អ្វីខ្លះកើតឡើង? សូមនឹកចាំ ឬប្រាប់រឿងរ៉ាវនៃបទពិសោធន៍មួយ ដែលលោកអ្នកមាន នៅពេលលោកអ្នក ឬនរណាម្នាក់ ដែលលោកអ្នកស្គាល់បានបង្ហាញសេចក្តីស្រឡាញ់ចំពោះសត្រូវរបស់ពួកគេ ហើយមិនរំពឹងថា បានអ្វីមកវិញ។ តើព្រះយេស៊ូវសន្យាអ្វីចំពោះអ្នក ដែលមានសេចក្ដីស្រឡាញ់តាមរបៀបនេះ (សូមអាន ខ៣៥)? សូមកត់សម្គាល់របៀប ដែលព្រះជាម្ចាស់ទ្រង់មានព្រះហឫទ័យសប្បុរសចំពោះមនុស្សទុច្ចរិត និងមនុស្សអាក្រក់។ តើសេចក្ដីនេះនិយាយអ្វីខ្លះអំពីចរិតលក្ខណៈរបស់ព្រះជាម្ចាស់? សូមស្រមៃអំពីពិភពលោកមួយ ដែលព្រះជាម្ចាស់មានព្រះហឫទ័យចំពោះមនុស្ស ដែលមិន​ចេះដឹងគុណ និងអាក្រក់។ តើមាននរណាម្នាក់អាចរួចជីវិតទេ? សូមកត់សម្គាល់ពីរបៀប ដែលព្រះជាម្ចាស់ត្រូវបានពិពណ៌នានៅក្នុងខ ៣៦។ តើទំនាក់ទំនងរវាងសេចក្តីស្រឡាញ់ និងសេចក្តីមេត្តាករុណា គឺជាអ្វី? តើព្រះបន្ទូលរបស់ព្រះយេស៊ូវពិតជាជម្រុញ ឬលើកទឹកចិត្តដល់លោកអ្នកយ៉ាងដូចម្តេចនៅថ្ងៃនេះ? តើអ្វីទៅជារបៀបមួយ ដែលលោកអ្នកអាចឆ្លើយតបយ៉ាងសកម្ម នៅថ្ងៃនេះ? ចូរ​ឲ្យ​ការ​អាន និង​ការ​គិតពិចារណា​របស់​លោកអ្នក​ញ៉ាំង​ឲ្យ​មាន​ការ​អធិស្ឋាន​។ សូមបង្ហាញការដឹងគុណរបស់លោកអ្នកចំពោះព្រះជាម្ចាស់ សម្រាប់សេចក្តីស្រឡាញ់ ដែលមានមេត្តារបស់ព្រះអង្គ ហើយសូមស្មោះត្រង់ចំពោះរបៀប ដែលលោកអ្នកបានរារាំងសេចក្តីស្រឡាញ់ដូចគ្នានេះចំពោះអ្នកដទៃ។ សូមអធិស្ឋានសម្រាប់មនុស្ស ដែលបានធ្វើបាបលោកអ្នក ហើយទូលសុំជំនួយពីព្រះជាម្ចាស់ឱ្យលោកអ្នកអាចបន្តមានសេចក្តីស្រឡាញ់ដូចព្រះអង្គដែរ។