Минималист орон гэрЗагвар

Орон гэрийн тань зорилго

Минималист хүн орон гэртээ зай гаргахын хажуугаар, орон гэрийнхээ зорилгыг бий болгох "оюун санааны" зайг гарган бас амьдралдаа Бурханы дуу хоолойг тод сонсох "сүнсний орон зайг" мөн гаргадаг. Минималист орон гэрийн талаарх доор дурдсан ашиг тусын талаар эргэцүүлэн бодоорой:

• Минимал орон гэр бол очиж болох илүү дээр ая тухтай газар юм.Овоорсон эд зүйлгүйгээр орон гэр тань стресс бага, амрах боломж ихтэй газар болохыг та ухаарах болно. Энэ бол үнэхээр "амар тайван орчин" (Исаиа 32:18) юм. Анхаарлыг тань уруу татах бага эд зүйлстэй байх тусам, гэр дотор баяр хөөр авч ирэх хүмүүс, үйл явдалд илүүтэйгээр та анхаарлаа төвлөрүүлэх болно. Эд зүйлсээ багасгаснаар та гэртээ илүү их зүйлтэй байгаа мэт мэдрэмжийг авах болно. Танд болоод таны гэрт ирж байгаа хүн болгонд амар тайвны газар байх болно.
• Минимал орон гэрээс гарч явахад хүртэл урамтай байдаг. Гэртээ байгаа эд зүйлсийг багасгаснаар бага худалдан авалт хийж, ашиглалт, засварын бага мөнгө төлж, ийнхүү дансанд үлдсэн их мөнгөө өөр нэгэн мөрөөдлийнхөө төлөө ашиглах боломж бүрдэх юм. Үүнээс ч чухал зүйл гэвэл эд зүйлсээ цэвэрлэх, цэгцлэх, арчлах цаг багассанаар танд ирээдүйгээ мөрөөдөж, төлөвлөх цаг ихсэж, эрч хүчээр дүүрэх болно. Эдгээрээр дамжуулан та өглөө ажилдаа гарахдаа, орой найзуудтайгаа цагийг өнгөрөөх үедээ, мөн адал явдлаар дүүрэн амьдралын өөрчлөлт рүү тэмүүлэхдээ илүү бэлтгэлтэй нэгэн болох юм.

Орон гэрийн талаарх ойлголт маш олон янз байгааг та харж байгаа биз? Нэгт, орон гэр гэдэг бол хүчит шуурган дундах аюулгүй хоргодох газар юм. Мөн орон гэр гэдэг бол амьдралын их далай руу эр зоригтой давшин орох хөдлөх газар юм.

Минимал орон гэрийн ашиг тус нь—гэртээ ирэхэд ч тэр, гэрээсээ явахад ч тэр—аль алинд нь чухал үүрэг гүйцэтгэж байгааг харж болно, гэхдээ миний хувьд хоёрдох тодорхойлолт нь илүү сэтгэл хөдөлгөм санагддаг. Би таныг сайн мэдэхгүй байна л даа гэхдээ би эд зүйлсээс илүүтэйгээр ач холбогдлыг цаг ямагт эрхэмлэдэг. Би зарцуулалтаас илүү хөрөнгө оруулалт хийхийг эрмэлздэг. Эргэн тойрондоо улам илүү орон зай гаргах үед гэрээсээ гаран Христийн нэрээр бид бусдыг хайрлаж, тэдэнд үйлчлэх боломжтой орон зайг өөрсдийн дотор бий болгодог юм.