مَتَّى 6 मधील लोकप्रिय बायबल वचने

सामायिक करा

لَكِن في الأوَّل، أطلُبو مَلَكوت الله و بِرّو، و كُل الحاجات ديل بِجوكُم زِيادَه.

عَلَشان كِدا ما تَفَكِّرو كَتير بِبُكرَه، عَشان بُكرَه بِتِتفَكَّر بِنَفسا. خَلّي هُموم اليوم تَكون كِفايَه لِليوم.

عَلَشان كِدا أقول ليكُم، ما تَفَكِّرو كَتير لِحَياتكُم، بِتاكلو شِنو و بِتَشرَبو شِنو، ولّا لِأجسامكُم، بِتَلبَسو شِنو. الحَياة مُش أحسَن مِن الأكل؟ و الجِّسم مُش أحسَن مِن الهِدوم؟

و لَكِن إنتَ لَمّا تَصَلّي، أدخُل بيتَك، و أقفِل بابَك، و صَلّي لِأبوك الفي السِّر. و أبوك اليَشوف في السِّر بِرَجِّع ليك كوَيس.

عَشان كِدا صَلّو زي دا: أبونا الفي السَّما، خَلّي إسمَك يَكون قُدّوس. خَلّي مَلَكوتَك بِجي. خَلّي إرادَتَك تَكون في الدُّنيا زي ما تَكون إرادَتَك في السَّما.

النَّهار دا أدّينا العيش اليومي بِتاعنا.

و أغفِر لينا خَطايانا زي ما نِحنا كَمان غَفَرنا لِليَخطو لينا.

و ما تَدَخِّلنا في تَجرِبَه، و لَكِن خَلِّصنا مِن الشَّرّير.

عَلَشان إذا تَغفِرو لِلنّاس خَطاياهم، أبوكُم الفي السَّما بِغفِر ليكُم كَمان.

شوفو طُيور السَّما، هُم ما بِزرَعو و ما بِقطَعو الدُّرَه، و ما بِلِمّو في المَخازِن، و لَكِن أبوكُم الفي السَّما يَدّيهو أكِل. إنتو ما أحسَن مِنَّهُم بِكَتير؟

ما تَخزِنو لِنُفوسكُم حاجات غاليَه عَلى الأرض، المَكان الفيهو السّوس و الصَّدا ياكلوها، و الحَراميَه يدخُلو بِالقُوَّه و يَسرِقو. و لَكِن أخزِنو لِنُفوسكُم حاجات غاليَه في السَّما، المَكان الفيهو السّوس و الصَّدا ما ياكلوها، و الحَراميَه ما يدخُلو بِالقُوَّه و يَسرِقو. عَشان المَكان الفيهو حاجاتكُم الغاليَه، هِناك قَلبَك بِكون في كَمان.

واحِد ما يَقدَر يَخدِم سَيِّدين، عَشان يا بِكرَه الواحِد و بِحِب التّاني، ولّا بِمسِك الواحِد و بيابا التّاني. ما تَقدَرو تَخدِمو الله و المال.

و لَكِن إذا كان الله يَلَبِّس زي دا قَش الخَلا، اليَكون في النَّهار دا و بُكرَه بِرموهو في الفُرن، كيف ما داير أكتَر أن يَلَبِّسكُم إنتو، يا قَليلين الإيمان؟

و لَكِن إنتَ لَمّا تَدّي حاجَه لِلمَساكين، ما تَخَلّي شِمالَك تَعرِف الشُّغل اليَمينَك بِتَعمِل، عَلَشان الأنتَ تَدّيهو يَكون بِالسِّر. و أبوك اليَشوف في السِّر بِرَجِّع ليك كوَيس.

خَلّو بالكُم عَشان ما تَعمِلو الشُّغل الكَويس قِدّام النّاس عَشان بِشوفوكُم، عَشان كان تَعمِلو كِدا، ما بِتكون عِندَكُم أُجرَه مِن أبوكُم الفي السَّما.

و لَمّا تَصومو، ما تَوَرّو نُفوسكُم زي ناس تَعبانين، زي ما يَعمِلو المُنافِقين، عَشانُم بِغَيِّرو وَشُّم عَشان النّاس بِشوفو إنَّهُم يَصومو. بِالحَق أقول ليكُم، عِندَهُم أُجرَتُم. و لَكِن لَمّا إنتَ تَصوم، أمسَح راسَك و غَسِّل وَشَّك، عَشان النّاس ما بِشوفو إنتَ تَصوم، و لَكِن أبوك الفي السِّر بِشوف. و أبوك البِشوف في السِّر بِدّيك أُجرَه.