Populære bibelvers fra Seera Uumamaa 49

Del

Siiqeen Yihudaa irraa hin darbu, uleen mootummaas dhala dhala isaa harkaa hin dhabamu! Kunis hamma inni qabachuun ta'uuf, hamma inni sabni abboomamuuf sun dhufutti in ta'a*.

<<Yoseef akka muka ija godhatuu ti, akka muka ija godhatu isa bishaan burqituu bukkee dhaabatuu ti; dameewwan isaas keenyan irra in yaa'u. Warri iddaa baatan isa in duchiisan, xiyya itti gad dhiisanii, diinummaa isatti argisiisan.

Haa ta'u iyyuu malee, iddaan isaa takkaa hin laafne, harka isa aango-qabeessa kan Yaaqoobiin, maqaa tiksee sanaa, kattaa isa kan Israa'eliin, irreen isaa ariifataa ta'e. Waaqayyo inni kan abbaa keetii, si haa gargaaru! Waaqayyo inni hundumaa danda'u, eebba ol waaqaraatiin, eebba callaboo lafa jala ciisuutiin, eebba harma mirgisuu fi gadameessa dhala godhatuun, si haa eebbisu!

<<Yaa Yihudaa, si immoo obboloonni kee in jajatu, harki kee morma diina kee irra jira; ilmaan abbaa keetiis siif in qoomma'u*! Yihudaan saafela leencaa ti, yaa ilma ko, ati adamoodhaan guddatteetta, inni hirkatee akka leencaatti in ciise, egaa isa akka leenca dhalaa kana eenyutu kaasa ree*>>

<<Ruuben, ati dhala koo isa angafa humna koo, qara jabina koo ti, ulfinaan in caalta, irreedhaanis in caalta*! Ati ittisa hin qabnee akka lolaa ti, siree abbaa keetti waan ol baateef, ati afata kootti ol baate, afata haraamu waan gooteef, caalimaa hin qabaattu*!