Versete biblice populare din THRÜNTAN 1

Partajează

Judüki Thrünpuhnü tha, “Isanü isa kiphahkhi ching mihtsürü thrünanü; tüsho keto ngüh, thüning wuhnubo, akam-shiwüh tüsho mütüm shiwüh tüsho alo kheak abübe alala kurungkheak arü atungrü thsüshihanü.” Jumonü Thrünpuhnü api kiphahkhi ching mihtsürü thrün; apinü athrürü tüsho aliberü thrün.

Thrünpuhnü arü müngühjihde tha, “Aso asoang tüsho wüh buang; alomi mishang tüsho ju danyukang; keto ching thüngüh, thüning wuhnubo tüsho alo kheak abübe alala kurungkheak atungrü thsang.”

Atankih ching Thrünpuhnü thüningbo tüsho alomi thrün.

Alomi ju tümü mükamkhitdü lang akeangkeang lakheah; tüsho amiting ju kekim mi kheak lakheah. Tüsho Thrünpuh me kebo kumung aphapde alakheah.

Judüki Thrünpuhnü tha, “Ayin akhiukang,” tüsho ayin akhiuk.

Thrünpuhnü apinü athrünkhi alala ngü tüsho ha khide tsüde alakheah. Tüsho ju athuruk nimung arelim tüsho yapsu lakheah.

Thrünpuhnü ayin ju tsülah de kheah; tüsho apinü ayin ju amiting chingnü chamkhit.

Thrünpuhnü tha, “Alomi ching lakhi aso asobe, sangrung tüsho aso asobe sangdung alala inü nüsa kilim jihchoh; nüsa thsungkheaknü ju tsühyungbe thsübah.

Thrünpuhnü ayin ki, “Animung” tüsho amiting ki “Azhing” de ji. Tüsho akhuhbe nimung arelim tüsho yapsu lakheah.

Tüsho Thrünpuhnü tha, “Kebo chingnü kebo chamnakde akhunung khülang kamang.”

Tüsho alomi ching lakhi shiwühbo, thüning wuhnubo tüsho alo kheak abübe alala kilim inü sangrung phüyakbo tsühyungbe thsüpü jihdo”; tüsho jude alakheah.

Thrünpuhnü tha, “Azhing kheaknü animung büthsüpü thüning ching ayinatrümbo lashang, tüsho jurübonü nimungbo, kambo, tüsho akheahmünchibo müchitpü thsüang

Thrünpuhnü tha, “Alonü rim, sangrungbo mungji alala akhiukshang, tüsho jurübo müjihphünü asobebo tüsho sangsolungso asobe thsüang”; tüsho junangde kam.

Junangde Thrünpuhnü akhunung khülang thsübah ke akube chingnü abobe büthsüjih; tüsho junangde kam.

Alonü rim, sangrung mungji alala, müjih asobe tüsho aso asobe sangdung alala akhiukshih. Tüsho Thrünpuhnü ju tsülah de kheah.

Jumonü Thrünpuhnü ayinatrüm atobo mahne thrün; animung thsungkheak ani, tüsho azhing thsungkheak khinu. Apinü chiningbo she thrün.

Thrünpuhnü tha, “Thüningbo bukkhüp lakhi ke alala dangpungkhüh kingmukhungang tüsho alo akung akhiukang”; tüsho junangde kam. Thrünpuhnü alo akung ki “Alomi” tüsho ke kingmukhungkhi ki “Kekim” de ji. Tüsho Thrünpuhnü ju tsülah de kheah.

Apinü jurübo alala müngühjihde tha, “Aso asoang tüsho wüh buang, tüsho ketobo ching kebonü mishang, tüsho alomi kheak wuhnubo wüh bushang.”

Judüki Thrünpuhnü tha, “Alonü rhangdung lakhi shiwüh mungji alala: akam-shiwüh tüsho abüde atsahbe mütüm shiwüh, ato tüsho anini akhiukshang,” tüsho jude alakheah.

Thrünpuhnü tha, “Ke ju rhangdung lakhi lorilokobonü mishang; tüsho wuhnubo alo kumung thüning ching phinshang.”

Tüsho Thrünpuhnü alomi ching mütüm shiwüh, akam-shiwüh tüsho alo kheak abüde atsahbe mungji alala thrün. Tüsho Thrünpuhnü ju tsülah de kheah.