Versete biblice populare din RIPHUTNA 1

Partajează

Pathianin, “Ei ri-angpuiin, eimani ang zekkan miriam siam ei la, ani khah tuikhangliana ingahei, chunga vuang ivahei, insungsahei, ramsahei neh mîring rinênga bokrivâka lôn murdi chungah thu innei ei ti u,” a ti a. Khanchu, Pathianin ama ri-angpuiin miriam, ipa neh nupang a siam a; Pathianin ama ang zekkan ai siam a nit.

Pathianin anni kha ṭhat a vur a; an ziangah, “Chi tam takka neia hong ipungin, rinêng chung hih luan sip unla, nin thunuaiah in-om rei; tuikhangliana ingahei, chunga vuang ivahei, rinêng chunga mîring murdi chungah thuneina nangni kî pêk a nit,” a ti a.

Pathianin a tîra rinêng neh rivân a siamah khan

rinêng hi mêl riput dân îte la nei mak a, a korong ringot a nit a; tui inthûk tak chung khom a zîng khap a. Pathian Rithla khan tui chunghei chu a op mai a.

Pathianin “Ivâr hong om riseh,” a ti a; khanchu, ivâr a hong om tâk a.

Pathianin a thil siam murdi chu a en a, ṭha a ti ok a. Khanchu, kholoi tiang a om a, zîng tiang khom a om a; amakhah a sûn ruk nî chu a nit

Pathianin ivâr khah a en a, ṭha a ti ok a; khanchu, ivâr neh izîng kha a ṭhen tâk a.

Pathian ngirin, “Ringai rei, rinêng chunga chimu tinrênghei neh thei chi tinrênghei chu bua nin rin rangin nangni kî pêk a nit.

Pathianin ivâr kha sûn a be a, izîng kha zân a be a. Khanchu, kholoi tiang a om a, zîng tiang khom a om a; amakhah a sûn khat nî chu a nit.

Pathianin, “Tui neh tui â ṭhen rangin boiruak rizat tak om riseh,” a ti a.

Rinênga sa murdihei, chunga vuang iva murdihei neh nuaia bokrivâka lôn, ringna nei tinrênghei fâk rangin loisûl murdi kî pêk a nit,” a ti a. Khanchu, khangkah khan a hong nit tâk a.

Pathianin, “Sûn neh zân ṭhenna rangin rivân rizat takah khin ivârhei om sela, khahei khah hunbihei, sûnhei neh kumhei richik theina rang ni sela

Pathian khan, “Rinêngin chimu rimal ineia râ ngai chi tinrênghei, thei â râ sunga a chi om ngai tinrênghei khah isua riseh,” a ti a. Khanchu, khangkah khan a hong nit tâk a.

Khanchu, Pathianin boiruak rizat tak chu a siam a, boiruak rizat tak nuaia tui iomhei neh boiruak rizat tak chunga tui iomhei khah a ṭhen tâk a. Khanchu, khangkah khan a hong nit tâk a.

Khanchu, rinênga rithokin chimu an chi om rang dân angkana rimal ineia â râ ngai chi tinrênghei, thei â râ sunga a chi om ngai dang danghei kha a hong ṭoi tâk a; Pathianin a en a, ṭha a ti ok a.

Pathianin ivâr ilian ual inikah neh ârsihei a siam a; inî a vâr irât ual khah sûna vâr rangin a ti a, ithla a vâr idôk ual khah zâna vâr rangin a ti a.

Pathianin, “Rivân nuaia tuihei mun khatkatah richin zit sela, imuang chu ilang riseh,” a ti a. Khanchu, khangkah khan a hong nit tâk a. Pathianin imuang khah “Rinêng” a be a; tui richinhei kha Tuikhanglian a be a. Pathianin amakhah a en a, ṭha a ti ok a.

Pathianin ṭhat a vur a, “Chi tam takka neiin hong pung rei, tuikhanglian sip zit unla, ivahei khom rinêngah hong pung riseh,” a ti a.

Pathianin, “Rinêng khan mîring chi tinrêng an om rang dân angka chitin ramsahei, insungsahei, sa lianhei, sa chînhei, an chi om rang dân angka chitin isua riseh,” a ti a. Khanchu, khangkah khan a hong nit tâk a.

Pathianin, “Tuihei kha ringna nei chi tinrênghein sip sela, ivahei khom vânlâizôl rizat tak rinêng chungah khin vuang sup sup riseh,” a ti a.

Pathianin ramsahei, insungsahei neh rinênga bokrivâka lôn murdihei, mîring tinrêng an chi om rang dân angka takin a siam a; Pathianin khahei khah a en a, ṭha a ti ok a.