Известные библейские стихи из Jenesis 1

Поделиться

Ano Kindrei anya ja eh, “Ya abo i dah kameh to kamwekes ndramak awas ai; ya teheyan ma kone oro ki le buku to. Ya eme oro kameh katondrok iri ni, katondrok iri sirih ma katondrok iri katin haka ndriliu ma ndriliu bwe, bwisik ma tinan.” Ano Kindrei badeh mwesekei ndramak awas mwesekei teheyan ma konen i le buku iy, mwesekei mwan ma hawe badih.

Ano badeh iy atehei nyosowan i turu ma tiye i turu i buku doh, “Ah badeh kamwekes nah ya lundriye ah oro kaweleyani kon munyak mari ma kado katondrok. Ma jo atehei ah badeh katondrok iri ni katondrok iri sirih ma hawe iri katin haka ndriliu.

Ma mwena handru badeh Kindrei mwesekei munyak ma kandrah.

Ya munyak kahis le badeh ma lakou aliy bwe, ndras badeh nohowan handru udu bolo lulik. Eme ya boto-on ta Malawi Ndrabun ta Kindrei badeh edek bwele-e gwa.

Eme Kindrei eme, iy anya eh, “Kon kaleu.” Eme badeh kon aleu. Eme iy anyolom badeh ma iy sekesek handru.

Eme Kindrei anyolom lakou mari iy mwesekei doh badeh ma iy sekesek handru ta aliy. Ano kon eben ano kon aleu badeh len onoh ai.

Ano iy atehei ndrokowan udu aliy, udu bolo len hawe lulik.

Ya saba buwa kei badeh ah kaimon le ai.

Eme iy tondrohani kon aleu badeh, “Len,” ma tondrohani lulik badeh, “Ben.” Ano kon eben ano kon aleu badeh len ari ah.

Ano Kindrei anya eh, “Ya abo lakou i buku asi jor badeh keme kasahan ki la-uh kon, ari kudu ndrandrahun labai ya ari kudu ndrandrahun labai.” Eme badeh asahan i le buku aliy.

Arile iri katin haka ndriliu hawe iri sirih baden eh, jo atehei nyamon tiri badeh bwidiu ma hawe la-u kei i ta nyumon tiri ai.” Eme badeh asahan le ai.

Ano Kindrei anya ja eh, “Lakou ta anya badeh kanya bada kandrah ta apou len ma ben, ma kaleheyani kalem ta an ta len ma hawe ta jaha ma hawe len ta atudun nyamon tinan ta atukum.

Ano iy anya eh, “Abo kei ma bwidiu kasahan bwele-e munyak, kato-ou buwa kei ma kato-ou salin ya iri badeh ndrateheyan labai.” Eme badeh asahan i le buku aliy.

Eme badeh Kindrei mwesekei lakou i buku asi jor badeh apwai gwa badu andri ma apwai gwa badu loken.

Eme saba buwa kei ateh bolo munyak eme loken, badeh Kindrei anyolom ma iy sekesek handru.

Ya eme Kindrei badeh mwesekei lakou la-uh tinan ta anya, iy mwesekei an baden eh ta atondrok len ai. Ya bun baden eh ta atondrok ben ai; ma hawe iy mwesekei iri ndrau ale.

Ano Kindrei anya ja eh, “Abo gwa badu bahandra kandrah badeh keme lese ma hawe munyak kasahan.” Eme asahan i le buku aliy. Eme Kindrei badeh tondrohani kon soboren badeh, “Munyak” ma iy tondrohani gwa udu se nane dah, “Ndras.” Eme Kindrei anyolom badeh ma iy sekesek handru.

Eme iy atehei nyosowan i tiri ma iy anya, “Iri mulin badu gwa kadeu nah ma iri kaweleyani ndras, ma iri sirih ale kasahan solo-an.”

Ano Kindrei anya eh, “Abo iri saba lakou katin haka badeh kasahan bwele-e munyak. Iri katin haka ndriliu ma ndriliu bwe, nadu bwisik ma tinan badeh kasahan. Ya iri badeh ndrateheyan labai.” Eme asahan i le buku aliy.

Ano Kindrei anya ja eh, “Ya abo lakou mulin kasahan bolo gwa ma reu kaso na sirih.”

Ya eme Kindrei badeh mwesekei iri mari doh ano iy anyolom eme badeh iy sekesek handru.