Известные библейские стихи из Genesis 1

Поделиться

Dayon ang Dios nagsiling, “Kag karon himuon ta ang tawo nga manginkasubong sa aton kag manginkaanggid naton. Magagahom sila sa mga isda, mga kapispisan, kag sa tanan nga mga sapat, anta kag talunon, dalagku kag magamay.” Gani gintuga sang Dios ang tawo nga kaanggid sa iya. Gintuga niya sila nga lalaki kag babayi

kag ginbendisyunan niya sila nga nagsiling, “Magpamata kamo sing madamo, agod ang inyo mga kaliwat magalapta kag magagahom sa bug-os nga duta. Ginatugyan ko sa inyo ang mga kaisdaan, mga kapispisan, kag ang tanan nga mga kasapatan nga talunon.

Sa ginsugoran gintuga sang Dios ang kalangitan kag ang duta.

Ang duta wala pa sing sulod kag porma. Ang mabalod nga kadagatan nga nagatabon sang tanan nalikupan sang bug-os nga kadudulman kag ang Espiritu sang Dios nagahulag sa ibabaw sang tubig.

Dayon ang Dios nagmando, “Magluntad ang kapawa!” Kag may kapawa.

Gintan-aw sang Dios ang tanan nga iya ginhimo, kag nanamian gid sia. Nagligad ang gab-i, kag nag-aga, amo yadto ang ikan-om nga adlaw.

Kag ang Dios nanamian sang iya nakita. Dayon ginpain niya ang kapawa sa kadudulman

Ginahatag ko sa inyo ang tanan nga sahi sang uyas kag ang tanan nga sahi sang bunga sang kahoy nga inyo pagakaunon.

kag gintawag niya ang kapawa nga “Adlaw,” kag ang kadudulman nga “Gab-i.” Nagligad ang gab-i, kag nag-aga, amo yadto ang nahauna nga adlaw.

Dayon ang Dios nagmando, “Magluntad ang kahawaan nga magaseparar sang mga tubig sa duha ka lugar.” Kag nahimo ini. Gani ang Dios naghimo sang kahawaan nga nagseparar sang tubig sa idalom kag sang tubig sa ibabaw.

Pero sa tanan nga mga sapat nga talunon, kag sa tanan nga mga kapispisan, ginahatag ko ang malagtom nga mga hilamon nga ila pagakaunon.” Kag nahimo ini.

Dayon ang Dios nagmando, “Magluntad ang mga suga sa langit sa pagseparar sang adlaw gikan sa gab-i, kag sa pagtanda sang pagsugod sang mga inadlaw, mga tinuig, kag mga kapistahan.

Dayon ang Dios nagmando, “Magpatubo ang duta sang tanan nga sahi sang mga tanom, ang mga nagapatubas sing uyas kag ang nagapamunga.” Kag nahimo ini.

Dayon ang Dios nagmando, “Magluntad ang kahawaan nga magaseparar sang mga tubig sa duha ka lugar.” Kag nahimo ini. Gani ang Dios naghimo sang kahawaan nga nagseparar sang tubig sa idalom kag sang tubig sa ibabaw.

Gani ang duta nagpatubo sang tanan nga sahi sang mga tanom, ang nagapatubas sing uyas kag ang mga nagapamunga. Kag ang Dios nanamian sang iya nakita.

Gani ang Dios naghimo sang duha ka dalagku nga mga suga, ang adlaw sa paggahom sa kaadlawon kag ang bulan sa paggahom sa kagab-ihon. Ginhimo man niya ang mga bituon.

Dayon ang Dios nagmando, “Magtingob ang tubig sa idalom sang langit sa isa ka lugar agod maggwa ang duta.” Kag nahimo ini. Ang mamala nga lugar gintawag niya nga “Duta,” kag ang tubig nga nagtingob gintawag niya nga “Kadagatan.” Kag ang Dios nanamian sang iya nakita.

Kag ginbendisyunan niya sila tanan kag ginsingganan ang mga tinuga nga nagaestar sa tubig sa pagmuad kag sa pagpuno sang dagat, kag iya man ginsingganan ang mga kapispisan nga magdamo.

Dayon ang Dios nagmando, “Magpatubo ang duta sang tanan nga sahi sang mga kasapatan: naanta kag talunon, dalagku kag magamay.” Kag nahimo ini.

Dayon ang Dios nagmando, “Mapun-an ang tubig sang madamo nga mga sahi sang buhi nga mga tinuga, kag mapuno ang kahanginan sang mga pispis.”

Gani ang Dios naghimo sa ila tanan kag nanamian sia sang iya nakita.