Известные библейские стихи из मत्ती 26

Поделиться

बीऊँजी रंह्, अरह् प्रार्थना कर्दे रंह्, के तुँऐं परख दे ने पड़ो: आत्त्मा तअ तियार असो, परह् देह्-शरीर कंंमजोर असो।”

तबे प्रभू यीशू ऐ तिनखे बुलो, “मेरा जीऊँ बैजाऐ उदास असो, ऐत्रे ज़ुगा के मेरा पराँण-जीयाँन निकल़्दी लागी। तुँऐं ईथै रूको अरह् मेरी गईलो बीऊँजी रंह्।”

तबे से दाँणिक आगुड़े हुटियों उटमुँल़े खे पड़े, अरह् ऐजी प्रार्थना करी, “हे मेरे पिता जे हऐ सको तअ ऐजा बड़ा दु:ख मुँह गाशी आँणों शा टल़ी दियों, तबे भे जेष्णों हाँव चहाँऊ तेष्णों ने, परह् जेष्णों तुँऐं चहाँव तेष्णों ही हों।”

किन्देखे के ऐजो बाय्दे को मेरो लंह्ऊँ असो, जुण्जो भहीते के पाप की माँफी खे बुवाऐ ज़ाँदो।

जबे तिन्ऐ खाऐ लों थियों, तअ प्रभू यीशू ऐ रूटी करी, अरह् आशीष माँगियों, च़ुड़ी, अरह् चैले दे:खियों बुलो, “लो, खाव; ऐजी मेरी देह्-शरीर असो।”

तबे प्रभू यीशू ऐ बैलुवा करियों धन्यबाद करा, अरह् तिनखे देऐयों बुलो, “तुँऐं बादे झ़ुंणें ऐसी बैलुऐ शो पीयों

तबे प्रभू यीशू ऐ चैले कैई आऐयों तिनू सुत्ते अंदे दे:खे, अरह् पतरस खे बुलो, “कियों तुऐं मेरी गईलो ऐगड़ी खे भे बीऊँजी रंऐ ने सकी?

हाँव तुँओं खे बुलू, के दाख्ह-अंगूरोह् का ऐजा रंस तेसी देसो तोड़ी कद्दी ने पीऊँबा, जाँव तोड़ी तुँवारी गईलो आप्णे परमं-पिता पंणमिश्वर के राज्य दा नुवाँ रंस ने पींऊँ।”

तबे संत्त-पतरस के प्रभू यीशू की सेजी बात चींत्ते आऐ: के ऐतलो ही रात्ती तू “कुकड़े के बाँक देणों शा आगे तू च़ींई बई भाजी ज़ाँईदा के हाँव ने ऐसी जाँण्दा।” अरह् बाईडे ज़ाऐयों संत्त-पतरस फाटी-फाटियों रूदा लागा।

बिऊँजो, चालो; दे:खो, मेरा थँम्बड़ाणों वाल़ा नंजीक आऐ पुज़ों।”

तबे प्रभू यीशू ऐ तेस्खे बुलो, “आप्णी तरवार मियाँनों दी थंह्, किन्देखे के जुण्जे तरवार चलाँव, सेजे तरवारी ही लई नाँष करे ज़ाले।