Известные библейские стихи из Génesis 1

Поделиться

Usa ꞌain ka kamabi ñu ꞌatankëx Nukën ꞌIbu Dios ësai kiakëxa: Bërí kananuna nu iskësabi ꞌitánun uni unioti ꞌain. Ax ka bakanu ꞌikë ñuinakama ꞌimainun pëchiñu ñuina ꞌimainun a piti pitima ñuinakama ꞌianan, ñuina raëkëma ꞌimainun men niríkë ñuinakamax ka an bërúankë ꞌiti ꞌikën. Usa ꞌain ka uni uniokin Nukën ꞌIbu Diosan asábi ꞌitánun nukëbënë ꞌimainun xanu uniokëxa

Uniotankëxun ka upíokin sinánxunkin kakëxa: Bakë bëchipati kamina mekama tsitsirui ꞌuákamë ꞌëoti ꞌain; baka mëu ꞌikë ñuinakama ꞌimainun manan nuánkë pëchiñu ñuinakama, ꞌimainun axa men niríkë ñuinakama aín ꞌibu kamina ꞌiti ꞌain.

Uniotabakin ka Nukën ꞌIbu Diosan uniokëxa, naíkamë ꞌëo ꞌimainun me.

Me uniokëxbi mëníokëmapan ꞌain ka kamabi parúmpapa manámi bëánbëankibukë ꞌiakëxa. Usa ꞌain ka Nukën ꞌIbu Diosan bëru ñunshin baka manámiax shaíkibëkiankëxa.

Usa ꞌain ka Nukën ꞌIbu Dios kiakëxa: Ka pë́kiti ꞌikën. Kiaxa kikëbë ka pë́kiakëxa.

usokin ꞌaxun ka Nukën ꞌIbu Diosan an uniokë ñukama upíira upí ꞌikë isakëxa. Usaxa bë́ankionx pë́karatëkënkë ax ka mapai ꞌimainun achúshi nëtë ꞌiakëxa.

Usai kikëbëa pë́kia ka Nukën ꞌIbu Diosan pë́kikë a upí isakëxa, upí iskin ka bëánkibukë axa amo ꞌimainun axa pë́kikë aribi amo ꞌimiakëxa

Usokin pain a ñukama ꞌatankëxun ka Nukën ꞌIbu Diosan kakëxa: Ka is mitsu kana menu kookë ikama ax tuáñu ikama ꞌimainun, ꞌain bimi pitima akamabi ꞌinanin. Akamax ka mitsun piti ꞌiti ꞌikën.

usai ꞌia ka pë́kikë a nëtë kakin anëakëxa, anëanan ka bëánkibukë a imë́ kakin anëakëxa, usakin ꞌakëbë bëánkionxa pë́karakë ax ka achúshi nëtë ꞌiakëxa.

Usakin ꞌatankëx ka Nukën ꞌIbu Dios kiakëxa: Ka achúshi xabá chaiiracha an ꞌumpaxkama ënananmiti ꞌiti ꞌikën. Kikëbëshi ka usai ꞌiakëxa.

ꞌAínbi kana ñuinakama axa men nikë ꞌimainun manan ꞌikë pëchiñu ñuinakama ꞌimainun men niríkë ñuina akamabi kana menuax ꞌirukë in bimikama pinun ꞌinanin. Kikëbë ka usai ꞌiakëxa

Usa ꞌain ka Nukën ꞌIbu Dios kiakëxa: Naí xabá chaiira kuman batsisa anu ka an me pë́katikama ꞌiti ꞌikën, an imë́ ꞌikëbi xabá ꞌinun nëtë ꞌimikë, ax ka anun nëtëkama ꞌunánti ꞌianan, baritiakama ꞌunánan uisa nëtëkama kara ꞌia kixun ꞌunánti ꞌikën. Kikëbë ka usai ꞌiakëxa.

isi ka kiakëxa: Me mëuküax ka bëtsi bëtsi chuku kóti ꞌikën: axa ënxëñu ꞌiti ꞌimainun ikama axa bimiñu ꞌi tuati akamax. Kikëbë ka usai ꞌiakëxa.

Usa ꞌain ka Diosan achúshi xabá chaiira an bakakama bëarati ꞌakëxa: ꞌakëx ka xabá chaiira meu panaitsi tikimainun panaitsi axribi manámi bërúakëxa.

Usa ꞌain ka menuax bëtsi bëtsi xubi ꞌiruakëxa: ꞌirui ka xubikama axa ënxëñu ꞌiti ꞌimainun ikama axa bimiñu ꞌi tuati akama. Usai ꞌiá ka kamabi Nukën ꞌIbu Diosan upí isakëxa.

Nukën ꞌIbu Diosan ka an pë́kati rabë́ ꞌakëxa: ꞌakin ka chaiira an nëtën pë́kati ꞌanan an imë́ pë́kati chukúma ꞌakëxa. ꞌAnan ka an imë́ pë́kati okin ꞌispakamaribi ꞌakëxa.

Usa ꞌain ka Nukën ꞌIbu Dios kiakëxa: Naí meu ꞌikë baka ax ka anubia rakátinu timë́ti ꞌikën, me ëski mëratanun. Kikëbë ka usai ꞌiakëxa. Axa ëskikë a ka Nukën ꞌIbu Diosan me kakin anëakëxa, anëanan ka axa timë́ax ꞌianëmë ꞌëosa ꞌaish rakákë a parúmpapa kakin anëakëxa. Usai ꞌiá ka kamabi Nukën ꞌIbu Diosan upí ꞌikë isakëxa

usakin ꞌakëxa upí ꞌikë iskin ka Diosan an ꞌakë ñukama upíokin sinánxunkin kakëxa: Parúmpapanu ꞌikë ñuinakama tuapati ka ꞌuakamë ꞌëoi ka kait, ñuina pëchiñukamaribi ka tuapati ꞌitsaira menu ꞌiti ꞌikën.

Usa ꞌain ka Nukën ꞌIbu Dios kiakëxa: Menu ka bëtsi bëtsi ñuina kaiti ꞌikën: a rabukuti ꞌimainun ka a piti ñuinakama ꞌimainun a pitima raëkëma ñuinakama, ꞌimainun men niríkë ñuinakamaribi. Kikëbë ka usai ꞌiakëxa.

Usakin ꞌatankëx ka Nukën ꞌIbu Dios kiakëxa: Baka ꞌukëmëu ka bëtsi bëtsi ñuina ꞌaisamaira ꞌuakamë ꞌëoti ꞌikën, ꞌimainun ka me manánmi nuanti pëchiñu ñuinakama uniti ꞌikën. Kikëbë ka usai ꞌiakëxa.

Nukën ꞌIbu Diosan ka ënë ñuinakama uniotankëx kamabi upí ꞌikë isakëxa.