Известные библейские стихи из Gn 17

Поделиться

B'eleelaju ro'k'aal (99) chihab' wank re laj Abrán naq li Qaawa' kixk'ut rib' chiru ut kixye re: “Laa'in li Nimajwal Yos. Wanqat chi sum'aatin wik'in ut tiikaq laach'ool.

Ink'a' chik taak'ab'a'in aj Abrán; aj Abrahán b'an chik taakanaaq cho'q aak'ab'a', xb'aan naq xatinxaqab' cho'q xyuwa'il li k'iila teep chi tenamit.

Tink'ojob' chi junajwa linSumwank aawik'in, jo' ajwi' rik'ineb' laawalal aak'ajol li te'wanq moqon. Laa'inaq laaYos ut xYoseb' ajwi' laawalal aak'ajol chi junelik.

“A'an a'in linSumwank aawik'in: laa'ataq xyuwa'il li k'iila teep chi tenamit.

Kichaq'ok li Yos ut kixye: “Relik chi yaal naq lix Sara laawixaqil taawanq xk'uula'al, ut aj Isahak taak'e cho'q xk'ab'a'. Laa'in tink'ojob' linSumwank rik'in chi junelik: laa'inaq li xYos ut xYoseb' ajwi' li ralal xk'ajol.

Tink'e aawe ut reheb' laawalal aak'ajol li ch'och' a'in li wankat wi' jo' aj numel; chixjunil Kanahán tink'e chi reechaniheb' chi junajwa, ut laa'inaq xYoseb'”.

Laj Abrahán kixhupub' rib', ki'ok chi se'ek ut kixye sa' xch'ool: “Junaq winq aj o'k'aal (100) chihab' ma taakanaaq tab'i' cho'q yuwa'b'ej? Ut lix Sara li ak xket lajeeb' ro'k'aal (90) chihab' ma taa'alanq tab'i'?”.

Kixye ajwi' li Yos re laj Abrahán: “Lix Saray laawixaqil ink'a' chik xSaray tixk'ab'a'in, xSara b'an chik taakanaaq cho'q xk'ab'a'.

Teeset b'ayaq xtz'uumal leetz'ejwal, ut a'anaq reetalil li Sumwank xqaxaqab' chiqib'il qib'.

Ab'anan tink'ojob' linSumwank ka'ajwi' rik'in laj Isahak, li taayo'laaq rik'in lix Sara sa' li chihab' chalk re, sa'eb' li kutan a'in”.

Waqxaqib'aq kutan xyo'lajik, chixjunil li teelom sa' eeyanq tixk'ul li sirkunsisyon. Jo'ka'in taa'uxmanq chi junelik reheb' li yo'lajenaqeb' sa' laawochoch, jo'wi' reheb' li loq'b'ileb' rik'ineb' laj ab'l tenamit li maawa'eb' aawechkik'elil. Tento te'xk'ul li sirkunsisyon li yo'lajenaqeb' sa' laawochoch ut eb' li loq'b'ileb' rik'in laatumin: chi jo'kan linSumwank taakanaaq sa' leetz'ejwal chi junelik.