Известные библейские стихи из San Lucas 23

Поделиться

Niꞌr Jesús rnëꞌ: ―Xuz, bnit lau lequëꞌ, le cutu nözcnëꞌ bi tunëꞌ. Gululë́ꞌë qui queëquëꞌ le nacuëꞌ Jesús bönniꞌ rjaquëꞌ gdil‑l nacuꞌë niꞌ, len guluquitjëꞌ le gac bëꞌ lahui.

Jesús rëꞌ lëꞌ: ―Le nactë rëpaꞌ liꞌ, naꞌa dza ni sóalenuꞌ nedaꞌ latj lach quiaꞌ.

Niꞌr bönniꞌ ni rëꞌ Jesús: ―Yajnéy nedaꞌ catiꞌ gdxinuꞌ ga niꞌ gna bëꞌu.

Niꞌr bëꞌë zidzj didzaꞌ Jesús, rnëꞌ: ―Xuz, rguꞌa lu naꞌu böꞌ nacczaꞌ. Catiꞌ budx gnëꞌ cni, brujtë böꞌ nacczëꞌ, gutiëꞌ.

Catiꞌ guladxinëꞌ latj nazíꞌ lei Calavera, le rna lu didzaꞌ xidzaꞌ: “Latj Qui Bögaꞌ Icjruꞌ”, niꞌ guludë́ꞌë Jesús lëꞌi yag cruz. Guludë́ꞌë caꞌ lë́ꞌigac yag cruz chopëꞌ bönniꞌ tuaꞌdöꞌ naꞌ. Tuëꞌ guludë́ꞌë cuit lëꞌë yubél Jesús, len yetúëꞌ guludë́ꞌë cuit lëꞌë yögl.

Catiꞌ bdxin gdu huagbídz, bchul gdutë yödzlyú ga bdxinr gdu rdöd xhuö. Bchul gbidz, atiꞌ lariꞌ nal‑laꞌ lu gdauꞌ brözaꞌ chop diꞌil.

Catiꞌ bléꞌinëꞌ ca naꞌ guc bönniꞌ nacuꞌë lu nëꞌë bönniꞌ rjaquëꞌ gdil‑l, gluꞌë Dios yöl‑laꞌ ba, rnëꞌ: ―Le nactë bönniꞌ ni guquëꞌ bönniꞌ tsahuiꞌ.