Mavhesi emuBhaibheri Ane Mukurumbira kubva kuna Nziyo 91

Pakurirana nevamwe

anogona kuti kuna TENZI, “Ndimi diziro rangu nhare.”

Munhu anogara mudumba roWokumusorosoro, anogara mumumvuri waSamasimbaose

Akadana kwandiri ndichamupindura; ndichava naye munhamo; ndichamununura ndichimuremekedza.

Nokuti achapa vatumwa vake basa rokukuchengeta panzira dzako dzose.

Achakufukidza neminhenga yake uchiwana pokuhwanda mumapapiro ake. Kutendeka kwake inhowo yakatenderedza.

Nokuti unenge wati TENZI ndiye mudziviriri wangu waita musha wako muna Wokumusorosoro. Hapana chakaipa chinokuwira kana denda rinosvikawo pamusha pako.

Nokuti achakununura kumunhu anokuteya zvakaipa uye kudenda rinoparadza.

Kurutivi rwako kungawire zvako churu kurudyi kwako kugowira gumi rezviuru asi iwe hapana chinokusvika.

Zvinotyisa zvousiku hauzozvitya kana museve unokandwa masikati. Kana mharadzi dzinofamba murima, nyange zvinoparadza masikati machena.