Mavhesi emuBhaibheri Ane Mukurumbira kubva kuna GÉNESIS 1

Pakurirana nevamwe

Hinaspanmi Diosqa nirqan: —Runata ruwasunchis ñoqanchisman rikch'akuqta, rikch'ayninchisman hina. Kamachichuntaq challwakunata, phalaq animalkunatapas, uywakunatapas, suchuq animalkunatapas, kay pachantinpipas, nispa. Hinaspan Diosqa runata kamarqan, Diosman rikch'akuqta payta kamarqan, qharita warmitawan kamarqan.

Diostaq paykunata saminchaspa nirqan: —Askhata miraychis, kay pachamanpas hunt'aykuychis, chaypi munayniyoq kaychis, kamachiychistaq challwakunatapas, phalaq animalkunatapas, kay pachapi puriq llapa animalkunatapas, nispa.

Qallariypin Diosqa hanaq pachata kay pachatawan kamarqan.

Kay pachataq kasharqan rawisqa ch'usaqtaq, laqhayaqtaq chinkay-chinkay unuta pakasharqan. Diospa Espirituntaq unu patapi muyusharqan.

Diosmi nirqan: —K'anchay kachun, nispa. Ahinataq k'anchay karqan.

Diosmi rikurqan llapa ruwasqanta, ancha allin kasqanta. Hinan ch'isiyaykurqanpas illarimurqanpas soqtakaq p'unchay.

Diosmi rikurqan k'anchayqa allin kasqanta, k'anchaytataq laqhayaqmanta t'aqarqan.

Diosmi nillarqantaq: —Kayqa mikhunaykichispaqmi qoykichis kay pachantinpi llapa muhuq qorata, llapa rurunpi muhuyoq sach'akunatapas.

Hinaspan Diosqa k'anchayta “P'unchay” nisqata suticharqan, laqhayaqtataq “Tuta” nisqata suticharqan. Hinan ch'isiyaykurqanpas illarimurqanpas ñawpaqkaq p'unchay.

Diosmi nillarqantaq: —Unu chawpipi t'aqaq ch'usaq kachun, hinaspa unumanta unuta t'aqachun, nispa.

Hinallataqmi lliw kay pacha uywakunamanpas, lliw phalaq animalkunamanpas, lliw suchuq animalkunamanpas, tukuy kawsaqmanpas qollanitaq llapa q'omer qorata mikhunankupaq, nispa. Ahinataq karqan.

Diosmi nillarqantaq: —Hanaq pachapi k'anchaqkuna kachun p'unchaytawan tutatawan t'aqananpaq, hinallataq mita-mitata, p'unchay-p'unchayta, wata-watatapas señalaqpaq.

Hinaspan Diosqa nirqan: —Hallp'a phutuchichun llapa q'omerta: muhuq qorakunata, rurunpi muhuyoq sach'akunata, nispa. Ahinataq karqan.

Diostaq ruwarqan t'aqaq ch'usaqta, hinan ch'usaq urapi kaq unu t'aqakurqan ch'usaq patapi kaq unumanta. Ahinataq karqan.

Hinaqtinmi hallp'aqa phutuchirqan llapa q'omerta: muhuq qorakunata, rurunpi muhuyoq sach'akunata. Diosmi rikurqan allin kasqanta.

Diosmi iskay hatun k'anchaqkunata ruwarqan, hatunkaq k'anchaqta p'unchay k'anchananpaq, huch'uykaq k'anchaqtataq tuta k'anchananpaq. Ruwallarqantaq ch'askakunatapas.

Diosmi nirqan: —Hanaq pacha urapi kaq unu hukllaman huñukuchun, hinaspa ch'aki rikhurichun, nispa. Ahinataq karqan. Hinaspan Diosqa ch'akita suticharqan “Hallp'a” nisqata, huñusqa unutataq suticharqan “Mama Qocha” nisqata. Diosmi rikurqan allin kasqanta.

Hinaspanmi Diosqa chaykunata samincharqan: —Askhata miraychis, mama qochaman hunt'aykuychis, phalaq animalkunapas kay pachapi askhayachun, nispa.

Diosmi nillarqantaq: —Hallp'a rikhurichichun tukuy rikch'aq kawsashaq animalkunata: uywakunatapas, suchuq animalkunatapas, salqa uywakunatapas, nispa. Ahinataq karqan.

Diosmi nillarqantaq: —Unu wakwachimuchun kawsashaq animalkunata, hallp'a altopitaq phalaq animalkunapas phalachun, nispa.

Hinaspan Diosqa ruwarqan tukuy rikch'aq uywakunata, suchuq animalkunata, salqa uywakunatapas. Diosmi rikurqan allin kasqanta.