Mavhesi emuBhaibheri Ane Mukurumbira kubva kuna Lukas 3

Pakurirana nevamwe

At Yohanes nen akhuni tha'bokhogonat ima usaginakhe dogolik, at Yesus ima usa'isikheat. Ima usa'isikhemo, at Yesus ebe nen sembayan isi korlek, pogot kagoukhogon Allah Agoreke thue merpati yogeik negen hitluk oba duk i usa'ageikhe. Itithogon hagakhikhemo, pogot oba nen ane men isikhe, “Hat hebe an na'but netaiken hunik meke. Hat hobasik noba hotok ekhe o,” iluk isikhe.

at Yohanes nen men yogeisasikhe, “An nebe yekerek nobatne dek meke nen, we, ima anek usa'inagakhe lagei o. Meke re, at ageikhe kok obatneak meke yabokane wisigin o. At ebe witluk, at nen ima usa'inagu hak, Allah Agoreke inom, hetu inom, hinoba usa'inagei wisigin o. Ap ebe kok obatneak iti nen, at isok agot herle warek meke, an nebe yekerek meke nen hisalusak erlok dek o.

Halok he, hinakla ebetdiluk, weak hagakhe lagap meke here'isalok hinobabut eberogonat hebelaga iluk ekagat asuak nen mothogon hagakhe dogono o. Nen, hinakla nen, Abraham iti nit ninopase, iluk apugup o. At Allah nen Abraham a'buri negen hagatlasuagaluk helekit yi meke erlok hagasusagat o, iluk yokhisigi iti.

O erlo dopok eken hano meke ikidek halok, mukhogo hetumo la'isagaluk pisue o omaken oba pakpakthek motok werek o,” iluk yogeisasikhe.

Itithogon yogeisilik nekhe lageikhe iti, ap Yesaya, Allah ane yogeisekhe lageikhe meke etnogo nen ekhe dogolik, “Ap ageikhe o limo akhuni dekma etoma ane naik ekhe dogolik, Eiya. Ninoe Etagapogot wisiginmoke holak hanorogo yakhik, korlo meke mothogon yakhik, yakhe dogoni o, iluk waisiliogo. Hutla halok, punhogo tak-tagat digik, tom halok, ukuleken halok, tamelogo tak-tagat digik, holak korlo-arlo werek halok, moretdigik, hut arlo halok, enago 'bigik, hagakhe dogoni o. Itithogon hagakhep halok, Allah nen akhuni tilninabigin meke ageikhe la'i agunem hinileken hugun o,” iluk, Yesaya nen holal waganogo 'bisikhe meke tak-tagat, at Yohanes nen itithogon yogeisilik nekhe lageikhe iti.