Mavhesi emuBhaibheri Ane Mukurumbira kubva kuna LUKAS 3

Pakurirana nevamwe

Akuni etoma obogar ima wukbalok, Ar Yesus inom ar ima wukbirige. Nen Ar auwan tamban ekanem, mbogor keyalka lagagerek, Roh Allah tewe merpati talek oba wura wagage. Nen Ar Allah Ane yega inaruk kolalku dogolir, “Kar An nakbur niliti kunik arar o. Kar An niliti adeknggen erogo banenggen o,” yiluk yega aruk kolkige.

Eti paga, ar Yohanes nen, ir obogar yoraga dogolir, “An nen, kir i wedek i paga, ima wurkinabir taga o, ogwe Ar Akuni yabongga ambi nggok negen warigin o. Nen Ar eti iyok ogi sepatu kede pigalu ogwe, an nen eru ndak dek o. Nen Ar watuk perak, kir Roh Allah paga inom, nen indu paga inom ima wukbinagagin o.

Kir kinobabur maduk mende, mbo arar bogo o, yiluk yenggak kinawak nen ernio. Nir ninumbu eti ar Abraham o, yiluk yurak mondok maga o. Dikbini o: Nggir yoma ogwe, Ar Allah nen, ar Abraham paga wigalek yiluk erogo bamo ndak ar o.

Yaga andugun, o edo lok omanggen kudi, mugogo lakbik nen yiluk, panggolek arar agarik o. O edo dombok enggen pano mende yikikdek kalok, edo mugogo indumo lakbigin o.”

Etama, wene yi Nabi Yesaya yirige diru mbalek ndak-ndak yi o: “Akuni ambi o waganekma, ye dek ma nde dek ma etoma nen, ane nggomorir nega dogolir, ‘Ar Tuhan aruan pik pak yaku dogoni o, nen Ar aruan elagik wuragik kalok, enagago yakwi, eku dogoni o. Adukmo kurla kalok, agar yulogo tebelkwi, kur ado werekma kalok, yulogo ndak-ndak enakwi, Tuwan nombok kombok kalok, mor-mor erogo yakwi, Nen tuwan wulkik unggigik kalok mor-mor yakwi. Ir akuni o agar paga yoma dogitagwi mende nen, Ar Allah nen ndilinaka inil kugun o!’ ”