Mavhesi emuBhaibheri Ane Mukurumbira kubva kuna Zvirevo 15

Pakurirana nevamwe

Mhinduro nyoro inodzora kutsamwa, asi shoko rinorwadza rinomutsa hasha.

Kutya Jehovha kunodzidzisa munhu uchenjeri, uye kuzvininipisa kunotanga, kukudzwa kwozotevera.

Rurimi runouyisa kuporesa ndirwo muti woupenyu, asi rurimi runonyengera runopwanya mweya.

Urongwa hunoparara kana pasina vanopa mazano, asi vanopa mazano vakawanda hunobudirira.

Mwoyo wakafara, unofadza chiso, asi mwoyo une shungu unopwanya mweya.

Meso aJehovha ari pose pose, achicherechedza vakaipa navakanaka.

Zviri nani kuva nezvishoma uchitya Jehovha, pane kuva nepfuma zhinji namatambudziko.

Munhu ane hasha anomutsa bopoto, asi munhu ane mwoyo murefu anonyaradza kukakavara.

Mwoyo wokururama unoyera mhinduro dzawo, asi muromo woakaipa unodurura zvakaipa.