Mavhesi emuBhaibheri Ane Mukurumbira kubva kuna Mapisarema 37

Pakurirana nevamwe

Farikana muna Jehovha, uye iye achakupa zvinodikanwa nomwoyo wako.

Isa nzira yako kuna Jehovha; uvimbe naye uye iye achaita izvi

Nyarara pamberi paJehovha, umurindire unyerere; usava neshungu kana vanhu vachibudirira panzira dzavo, pavanoita mano avo akaipa avakaronga.

Vimba naJehovha uite zvakanaka; gara panyika ufarikane pamafuro manyoro.

Kana Jehovha achifarira nzira yomunhu, anosimbisa mafambiro ake; kunyange akagumburwa, haangawi, nokuti Jehovha anomutsigira noruoko rwake.

achaita kuti kururama kwako kupenye samambakwedza, nokururamisirwa kwako sezuva ramasikati.

Rega kutsamwa, uzvidzore pahasha; usava neshungu zvinokutungamirira mune zvakaipa.

Ndakanga ndiri muduku uye zvino ndakwegura, asi handina kumboona vakarurama vachiraswa, kana vana vavo vachipemha chingwa.

Usava neshungu nokuda kwavanhu vakaipa, uye usaitira godo avo vanoita zvakaipa