Mavhesi emuBhaibheri Ane Mukurumbira kubva kuna मत्‍तयाल 13

Pakurirana nevamwe

बोर अय्ते पेनदा पोल्‍लेतुन केंजसि, ओप्‍कुंचि तेळियागोटकुंतोर, ओर इत्‍ते विज्‍जां अरता बेसता जेगातसंटोर आंदुर. ओर बेस पायदा तरांतोर. बगा मुप्‍पै अंताल्‍क, बगा अरवै अंताल्‍क, बगा नूर अंताल्‍क इल्‍हा पलांचंतोर.

बोर अय्ते पेनदा पोल्‍लेतुन केंजांतोर गानि सम्‍सारमता रंदि, दनमता आस्‍ति, इसोंटा विचाराल्क ओर केंजता पोल्‍लेतुन ओनालोप्‍पो बेर्सा हिय्यों. अस्‍के अद पोल्‍लेताल बतल पायदा आयो. असंटोर इत्‍ते, विज्‍जां अरता हाह्कुना पोदाना जेगातसंटोर आंदुर.

स्वर्ग राज्येमता बारेमता कबुरतुन केंजसि बोर दान अर्तम कीकुन्‍नोर, ओना मनसुने बतल अय्ते वीतिस मत्‍तनो अदुन देय्यम वासि इग्‍गिस ओंता. आ लोकुल्‍क इत्‍ते विज्‍जां अरता हर्दा जेगातसंटोर आंदुर.

बोर अय्ते पेनदा पोल्‍लेतुन केंजसि कूस आसि बिराना दान ओप्‍कुंतोर, ओर इत्‍ते विज्‍जां अरता बंडाना गेर्से जेगातसंटोर आंदुर. ओनालोप्‍पो पेनदा पोल्‍लेता हिह्‍कु गट्‍टि पळुवाहाटीं, ओर कोन्‍नि रोजके अव्टे निल्‍सि मनांतोर. पजा पेनदा पोल्‍लेताहाटीं तिप्‍पल्‍क, कस्‍टाल्‍क वातस्के, विस्वासमताल ओर बिराना लक्‍कु आंतोर.

स्वर्ग राज्येम बारेमते इंकुंदि वेसुड वेहंतन केंजट. उंदि पोलमते दनम मक्‍किचि मत्‍ता. बोरो वरोर मनकल आ मक्‍किचि मत्‍ता दनमतुन हूळतोर. आनि मर्रा अग्गेन मक्‍किचि इरगा कूस आसि लोन होत्‍तोर. पजा ओर ओना लोन मत्‍तद-हिलवद अन्‍नि अमकुंचि वाता कोत्‍ताने अद पोलमतुन असकुत्‍तोर.

इच्‍चुं विज्‍जां बेसता जेगाते अरतां. बेस पंटा पेय्‍स्‍ता. अव उंद-उंदि मोदोल्कु बगा मुप्‍पै अंताल्‍क, बगा अरवै अंताल्‍क, बगा नूर अंताल्कुना पंटा पेय्‍स्‍ता.

कोताक वयनदाका अव रोंडुगुडा कलियसे बेर्सिंकांटी. पजा कोताक वातस्के कोय्यानोर्कुंक नना, ‘मुन्‍ने हकोलिन कोय्‍सि, हेरकीं दोहाचि अवुन बोडसि पोहट. पजा नावा गोह्कुन जमा कीसि गुम्मिते दोस्सटु इंतन,’ इंचि जीतागाह्कुंकु वेहतोर.”