Mavhesi emuBhaibheri Ane Mukurumbira kubva kuna Jowǎ̤ni̤ 21

Pakurirana nevamwe

Asî ǎ htodě, Běcǎ Ye̤shǔ gwè Shîmǒ̤nè̤ Petru, “Jowǎ̤ni̤ aphû̌khû Shîmǒ̤nè̤, na mo̤ǐkhlo mè̤mè̤̌ he ta kòyò htǒotoǒ mo̤ǐ he nuya?” A gwè nû̌û dě, Shîmǒ̤nè̤ hî̌shǔ nû̌û, “O, Běcǎ, he mo̤ǐ na numî̌ na sî̌yatû̌ hǒ,” a hî̌ nû̌û hǐnu. Běcǎ Ye̤shǔ hî̌ yǎ, “Kè̌ bǔǎnṳ he sophû̌phû̌nu toǒ nî̌꤮.” Běcǎ Ye̤shǔ gwè gesǒ nû̌û taplǎpe, “Jowǎ̤ni̤ aphû̌khû Shîmǒ̤nè̤, na mo̤ǐ mè̤mè̤̌ he ya?” A gwè nû̌û dě, A hî̌shǔ Běcǎ, “O, Běcǎ, he mo̤ǐ na numî̌ na sî̌yatû̌.” Dě Běcǎ Ye̤shǔ hî̌shǔ yǎ, “Kè̌ǐkhwè̌ǐ he sophû̌ toǒ nî̌꤮.” Htodě a gwèpo̤ nû̌û suplǎtaplǎ, “Jowǎ̤ni̤ aphû̌khû Shîmǒ̤nè̤, na mo̤ǐ he ya?” Běcǎ Ye̤shǔ gwè yǎ, “Na mo̤ǐ he ya?” numî̌ a ǒ suplǎ akhû̌akhî, ata mo̤ nû̌sò̌phlǒ tò̤. Dě a hî̌shǔ nû̌û, “Běcǎ, na sî̌yabò ta̤pṳ̂̌tacǎ, he mo̤ǐ na numî̌ na sî̌ya hǒ,” a hî̌ nû̌û hǐnu, Dě Běcǎ Ye̤shǔ hî̌ yǎ, “Kè̌ bǔǎbǔonṳ he sophû̌nu toǒ nî̌꤮.

He hî̌ mè̤mè̤̌ na, bǎ na něphijaû̌ akha, na wò̤htò̌bò̌ tû̌ nasò̌to̤, na sò̌yṳcû̌ bǎtènu na cû̌bò̌. Pwǎ̤tadě htû̌ na mo̤pwa̤ pěnu, na yṳ̂htò̌ na cǔde ginǐ̤kho pě. Kò coklomě na cǔde dě kò jocû̌ na dě gûla̤ htě na sò̌yṳ cû̌ tò̤nu pě.”

Dě Ye̤shǔ hî̌ asî, “Shî̌lò̤ sîji dě sî sǒkhli cǔdemûnu tokho, tò̤phû̌ nî̤tû̌ pě.” Dě bǎ asî ma̤pwǐ a hî̌ akhanu, tò̤phû̌nî̤ plṳ̂ akhû̌akhî, a cǐhtò̌ pè̤pe a ji dě sǒkhlikû tò̤.

Shîmǒ̤nè̤ Petru hî̌ asî, “He cû̌pṳ̂ǎ tò̤phû̌,” a hî̌ dě, asî hî̌shǔ nû̌û, “Pa cû̌kû̌ ta na,” a hî̌ nû̌û hǐnu. Hǐnudě asî dò̌nṳ sǒkhli dě hǎhtò̌cû̌ pṳ̂ǎ lǒkho tò̤phû̌ pwǎ̤tadě ta̤nǎ̤mṳshě akû a nî̤ dǐplṳ̂̌꤮ tò̤.