Mavhesi emuBhaibheri Ane Mukurumbira kubva kuna Lukas 6

Pakurirana nevamwe

Yiikin ata heka, tannamuy Alla kana yiigim tabarami. Mi enga hibamige hayii kamajaɓola haɓe ha ukra kabanna tutumi. Oroge ukra hawaim tabara ata heka, nyiʄalawe ukra hawainai Alla tabarami.”

Ata kadahha napahuudi pahangaɗana kadahha, oroge atena ɓana bann ge kadahha. Ata kajapata napahuuge kajapata, oroge atena ɓana bann ge kajapata. Oroge agawe hatak walta ɓaana nyiwe kahuuna walta kalaak atena.”

Ɓaɗoukɗage wale tauɗaꞌmage! Manawaran muhumi mono rayige kadahha tabaraɗa. Yiitud ɗahom, mono ilam mannekage ɓam kole haggadi. Ɓam rayi tauɗaꞌge, enga madakkage ha utumi mono enga ɗaꞌ ananagimiy Alla Kahadda Madehta. Orogei Alla nadahha ate tabaraɗa ata aika tadawe waiwu kalinani, mono tabaraɗa ata kajapata.

Mi hatingo ɗahoge manawaram, oroge Amam ta sorga Na manawara.”

Ilam hajalay ata heka, tannam ila nahajalamiy Alla. Ilam houkkana ata heka, tannam ila nahoukgimiy Alla. Hawalin ata heka, tannamuy Alla kana hawalgimi.

“Tanyiɗuwe tabarami karange-Wa ɓatauge, Nauwa lugɗamigeː manawarakin muhumu, mono rayige kadahha tabarana ata kabutug ate. Karaiwe tabarai Alla tannam kana rayige kadahha tabarana ata kahauragu. Mono habayang ʄalani tutna ata kajapata tabaramu.

Pahaɗai ata heka katauna hakab atem tannam kaɗa pahaɗaguge tabaramu.

Ɓaɗaaka kapakkokaguge gaɓɓa papimu, haturuꞌge gaɓɓawal papimu. Nyi ɓaɗaaka karamaguge kalabbe madakkamu yii ʄalanage kalabbe ta ngihimu. Ɓaɗaaka haraiɗa ɓa agayi kaɗaana tabaramu, yiiɗaꞌnad. Nyi ɓaɗaaka karamagudi ɗaumu, ilam karai haggai.

Pu yay kadauka enga walna wuuꞌmana aika dahha. Tauɗa ʄalage pu yay aika kadauka enga walna wuuꞌmana kadahha.

Naꞌ bu yay da tadayi walta wuuna. Tara warri enga walna wuuꞌmana wuu kapullota, mono rabta kaman tarana enga walna wuꞌmana wuu anggur.