Wana appJesu Anodzoreredza Vanhu VakeChikamu
TEERERA IZWI RASHE
Jesu akataura kuti simba rose rakapiwa kwaari (Mateo 28:18). Mumashoko aya, tinofanira kupa nzeve dzedu kuizwi rake. Muchinyorwa chino, anopedzisa nekuudza Pita kuti amutevere. Jesu aiziva matambudziko ose aizosanganikwa navo nevadzidzi kunyange kusvika pakufa. Asi izwi rake rine chivimbiso chemufaro wedu. Zvakanaka sei kuteerera izwi raMuponesi wedu.
Makristu anofanira kugadzirira kuti Mwari vakudzwe kunyange neupenyu kana nokufa. Rave basa redu rekukohwa michero yezvakamisikidzwa naPita kubudikidza nekufira chitendero. Kubwinya kwaMwari kunogona kuonekwa mushure mekuurairwa chikristu. Kunyange zvakadaro, Jesu anoda kuti tirambe tichimutevera. Ungada kudzokera hako kundoredza hove asi tevera Jesu. Zvichasvika panguva yekurwadza; kuchava kutakura muchinjiko. Hausi kuzorarama upenyu hwaungatarisire zvese zvaungada. Hazvisi kuzova nyore. Asi tevera Kristu.
Zvawe kune mumwe nemumwe kuita sarudzo yake. Hakuna zvakavimbiswa zvingabatike, asi Jesu anotaura izvo zvakapoteredza kuva muteveri wake. Asi chokwadi chiripo ndechekuti, muna Kristu tine upenyu. Kunzwa nekuteerera izwi rake kuchatisvitsa kuupenyu usingaperi.
Munamato: Mwari wekudenga, tinorumbidza zita renyu. Dzimwe nguva tiri vanhu vekutenda kudiki, asi tikateerera izwi renyu tichasimudza kutenda. Tibatsirei Mwari wedu kuti tive vakasimba uye kuva nechido chekuti tisadzoke kundoredza hove. Muna Jesu tinonamata. AMENI.
Kuwedzera Kuverenga: VaFiripi 1:20| VaRoma 15:1| 1 VaKorinde 13:11.
Rugwaro
Zvinechekuita neHurongwa uhu
Kristu akamuka kuvakafa anoramba achienda mberi nekutungamira, kubatsira nekutuma vateveri vake. Tichitarisa kudzoreredzwa kwaPita, tinoona kuti kunyange munhu akakundikana paupenyu, hazvireve kuti ukama naKristu hwapera. Jesu akamirira kutidzoreredza nokutishandisa paurongwa hwake. Shoko iri ritotisimbaradza kuti tigone kusangana naJesu munzira dzedu dzemazuva ese, kuti tinzwe inzwi rake, nekugashira kuregererwa kwezvivi pamwe nekumutevera.
More
Tinoda kutenda Trymore Mutare nekupa chirongwa ichi. Kuti uwane rumwe ruzivo, ndapota shanya: https://www.facebook.com/trymore.mutare.7?mibextid=ZbWKwL
