Stinët e zemrësShembull

Hetoni Shkrimet

Ju hetoni Shkrimet - Gjoni 5:39

Me anë të Fjalës, ne do të rritemi në njohjen e Krishtit. Vetë pamja e jashtme e kësaj është e qartë. Po si mundemi të dimë më shumë për dikë që nuk e kemi parë, por që e duam? A nuk është duke lexuar dhe dëgjuar ato që Ai ka thënë, shkruar dhe bërë? Si duhet të dimë më shumë për Jezu Krishtin nëse nuk po e marrim mundimin të dimë më shumë nga Fjala e Tij? Ai ka thënë: “Hetoni shkrimet; sepse… janë ato që dëshmojnë për mua. ” A po kërkojmë me të vërtetë, apo jemi duke i lexuar në mënyrë sipërfaqësore ato Shkrime të Dhiatës së Vjetër për të cilat Ai foli? Jezusi thotë se ato dëshmojnë për Të, që do të thotë se ato na tregojnë gjithçka rreth Tij. A po veprojmë sikur e besojmë vërtet këtë? "Nisur nga Moisiu dhe të gjithë profetët, Ai ua shpjegoi atyre në të gjitha Shkrimet ato që kishin të bënin me Të." Përveç kësaj ka shumë gjëra për Jezusin në të gjitha Shkrimet - jo vetëm tek Psalmet dhe Isaia - por në çdo libër! Sa shumë duhet të ketë për ne atje që të gjejmë! Le t’i lutemi Frymës së Shenjtë që t’i nxjerrë këto gjëra të Jezusit dhe të na i tregojë neve, që të mund të rritemi në "njohjen e Birit të Perëndisë.”

“Fjalët që unë po ju them janë frymë dhe janë jetë.” - fjalë të gjalla dhe vazhdimisht jetëdhënëse. Ne duam të ngopemi me to; duam që ato të banojnë në ne me bollëk, të jenë frymëzimi i gjithë jetës sonë, vetë muzika e shpirtrave tanë, vërshimi melodioz i të cilave të mund të jetë lavdi për Perëndinë dhe vullnet i mirë për njeriun. Vetë Jezusi na e ka dhënë këtë Fjalë të gjallë dhe të fuqishme të Perëndisë dhe përgjegjësia jonë është e jashtëzakonshme. Ai na e ka thënë qartë se çfarë të bëjmë me të; Ai ka thënë, "Hetoni!" Tani, a e kemi zëvendësuar këtë me një fjalë tonën dhe jemi thjesht duke i lexuar ato? Ai nuk tha, "Lexoni", por "Hetoni!”. Kjo është gjëja më serioze për shumë lexues të përditshëm të Biblës, se nëse ata vetëm po lexojnë dhe nuk po hetojnë, atëherë janë duke jetuar haptazi në mosbindje ndaj një prej urdhërimeve të Tij më të qarta. Nuk është çudi nëse nuk rriten!

Frances Ridley Havergal