Populära bibelverser från ᒪᕐᒃ 13

Dela

ᒥᓯᐛ ᐊᐛᓐ ᒋᑭ ᐛᐧᑲᑎᑯᐛᐤ ᐊ ᓇᓴᐎᔭᒄ᙮ ᒥᒄ ᒪᒃ ᐊᓐ ᐊᐛᓐ ᒐ ᐊᔨᒋᑲᐳᒂ ᒐ ᐃᔅᐱᔅ ᐱᒪᑎᓯᒂ ᐊᐅᒄ ᒐ ᐱᒪᒋᐊᑭᓄᐅᑦ᙮”

ᐃᔭᒂᒥᒄ, ᒧᔅ ᐸᒋ ᐊᔭᔅᑯᐎᔅᑐᐛᐧᒄ᙮ ᐛᔅ ᑕᐸ ᒋ ᒋᔅᒐᔨᑕᓇᐛᐤ ᑕᐃᔅᐱ ᐅ ᒐ ᐃᔅᐱᔨᒡ᙮

ᐃᔅᐱ ᒪᒃ ᒪᑯᓂᑯᔭᒂ ᑭᔭ ᐃᑐᑕᐃᑯᔭᒂ ᐊᓐᑕ ᒐ ᑎᐸᔅᑯᓂᑯᔭᒄ ᐊᑲᐎᔾ ᓂᑲᓐ ᒋᑭ ᐅᒋ ᐊᔨᒪᔨᑎᒥᐃᑯᓇᐛᐤ ᑕᓐ ᒐ ᐃᔅᒋᔄᔭᒄ, ᒥᒄ ᑕᓐ ᒐ ᐃᓯ ᒥᔨᑯᐛᒂ ᒐ ᐃᔅᒋᔄᔭᒄ ᒪᒂᒡ ᐊᓐᑕ ᑕᔭᒂ ᐊᑯᓐ ᐊᓐ ᐃᔅᒋᔄᒄ᙮ ᐛᔅ ᑕᐸ ᒋᔨᐛᐤ ᒋᑭ ᐅᒋ ᐃᔨᒥᓇᐛᐤ ᐊᓐᑕ ᒪᒂᒡ ᐃᔨᒥᔭᒂ, ᑲ ᐸᔭᒋᓯᔨᒡ ᐊᒐᐧᒄ ᐊᐅᒄ ᒐ ᐃᔨᒥᑦ᙮”

ᒋᒋᒋᓯᒄ ᑭᔭ ᐊᔅᒋᔾ ᒋᑭ ᐃᔎᐱᔪᐛ ᒥᒄ ᒪᒃ ᓂᑦ ᐃᔨᒧᐅᓇ ᓇᒪ ᓂᑕ ᒋᑭ ᐅᒋ ᐃᔎᐱᔪᐛ᙮”

“ᒥᒄ ᒪᒃ ᓇᒪ ᐊᐛᓐ ᒋᔅᒐᔨᑎᒻ ᐊᓂᔭ ᐊ ᒋᓯᑲᔨᒡ ᒪᒃ ᐊᓂᔭ ᑎᐸᐃᑭᓂᔪᐤ ᐱᓯᒧᐧᑲᓂᒡ ᒐ ᐃᔅᐱᔨᒋ ᐅᔭ ᒐᒂᔪᐛ᙮ ᓇᒪ ᐛᐛᒡ ᐊᓐᒋᓐᒡ ᒋᔅᒐᔨᑎᒧᒡ, ᐛᐛᒡ ᐅᑯᓯᓯᒪᐤ, ᒥᒄ ᐅᑕᐎᒪᐤ ᒋᔅᒐᔨᑎᒻ᙮

ᐊᑲᐎᔾ ᑭᔭ ᒋᑭ ᐅᒋ ᒥᑯᔅᑲᑕᔨᑎᒥᐃᑯᐅᓇᐛᐤ ᐸᑎᒪᒂ ᐊ ᓂᑐᐱᔨᓇᓄᐅᒡ ᒥᒋᒪ ᐊᓐᑕ ᐊ ᑕᔭᒄ ᑭᔭ ᐸᑎᒪᒂ ᐊ ᑎᐸᑕᑭᓄᐅᒡ ᐊ ᓇᓂᑐᐱᔨᓇᓄᐅᒡ ᐊᓐᑕ ᐛᔪᐤ᙮ ᐊᐅᒄ ᐛᔅ ᐅ ᓂᔅᑎᒻ ᓇᑐᐛᔨᑕᒂᒡ ᒐᒋ ᐃᔅᐱᔨᒡ, ᒥᒄ ᒪᒃ ᓇᒪ ᐊᔅᒄ ᒋᑭ ᐅᒋ ᐃᔎᐱᔪᐤ᙮

“ᐃᔭᒂᒥᒄ ᐛᔅ ᑕᐸ ᒋ ᒋᔅᒐᔨᑕᓇᐛᐤ ᑕᐃᔅᐱ ᒐ ᑎᑯᓯᐧᒃ ᒋᐅᒋᒪᒧᐛᐤ ᑲ ᓂᓇᑭᑐᐛᔨᑕᒺᒄ ᐎᒡ, ᐊ ᐅᑕᑯᓯᔨᒡ ᒐ ᑎᑯᓯᓂᒂ, ᑭᔭ ᒪᒃ ᐊᐱᑕᑎᐱᔅᑲᔨᒐ ᑭᔭ ᒪᒃ ᐸᑕᐱᓂᔨᒐ, ᑭᔭ ᒪᒃ ᐸᑐᔅ ᐊ ᐛᐸᓂᔨᒐ ᒐ ᑎᑯᓯᓂᒂ᙮ ᐃᔭᒂᒥᒄ ᒪᒃ, ᐃᔭᒂ ᒐᔅᑲᑯᐅᔭᒂ ᐊ ᓂᐸᔭᒄ ᓯᔅᒋᑯᒡ ᑎᑯᓯᒐ᙮ ᐅ ᒐ ᐃᑎᑎᑯᒡ, ᓂᑦ ᐃᑕᐅᒡ ᑭᔭ ᑯᑎᑭᒡ ᐊᐛᓐᒋ, ᐊᔭᔅᑯᐎᔅᑐᐛᐧᒄ᙮”

ᐸᐃᑯᓄᒡ ᑲ ᐃᑎᔅᑲᓇᓯᒡ ᐊᐛᓐᒋ ᒋᑭ ᒪᓯᐧᑲᑐᐅᒡ ᐊᓂᔭᔪᐛ ᑯᑎᑲ ᐊᐛᔪᐛ ᐃᔭᒡ ᑲ ᐃᑎᔅᑲᓇᓯᔨᒋ᙮ ᑭᔭ ᐊᓐᒡ ᑲ ᐅᒋᒪᐅᒡ ᒋᑭ ᓂᑐᐱᔨᑐᐛᐅᒡ ᐊᓂᔭ ᑯᑎᑲ ᑲ ᐅᒋᒪᐎᔨᒋ᙮ ᑭᔭ ᓂᓇᐧᑯᐤ ᐊᓐᑕ ᐃᔭᒡ ᐊᓐᑕ ᒋᑭ ᑭᐃᐧᑯᓐ᙮ ᑭᔭ ᒋᑭ ᑎᑯᓐ ᐊ ᑯᐧᑭᑕᓄᐅᒡ᙮ ᐅ ᒪᒃ ᓂᓇᐧᑯᐤ ᒐ ᐃᔅᐱᔨᒡ, ᐊᐅᒄ ᐱᒐᐃᒃ ᐊ ᒋᒋᐱᔨᒡ ᓂᓇᐧᑲᑕᔨᒧᐅᓐ, ᒧᔭᒻ ᐃᔎᐤ ᐊ ᒋᒋᐱᔨᒡ ᐊ ᒧᓯᐅᑦ ᒐ ᐊᐧᑯᓯᑦ᙮”

ᐊᔅᒄ ᒪᒃ ᐊᑲ ᐃᔅᐱᔭᒂ ᐅ, ᓂᔅᑎᒻ ᒋᐸ ᑭᒐᔅᒋᒪᑭᓄᐎᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᐊ ᐛᐎᑎᒧᐛᑭᓄᐎᒡ ᒥᔽᒋᒧᐅᓂᔪᐤ᙮

ᐛᔅ ᒋᑭ ᒥᒐᑐᐅᒡ ᐊᐛᓐᒋ ᐊ ᑎᑯᓯᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ᐊᐱᒋᑕᒡ ᐊ ᐃᔅᒋᔄᒡ, ‘ᐊᐅᒄ ᓂᔾ ᙭᙮’ ᒥᒐᑦ ᒪᒃ ᐊᐛᔪᐛ ᒋᑭ ᐎᔭᓯᒪᐅᒡ᙮

“ᐃᔭᒂᒥᒄ ᐛᔅ ᒋᑭ ᑕᐅᒡ ᐊᓐᒡ ᒐ ᒪᑯᓂᑕᑯᒡ ᐊᑯ ᐊᓐᑕ ᑲ ᓂᑲᓂᔅᑲᒐᔨᒋ ᐊ ᑕᔨᒋ ᒐ ᐃᑐᑕᐃᑕᑯᒡ ᒐᒋ ᑎᐸᔅᑯᓂᑯᔭᒄ᙮ ᑭᔭ ᐊᓐᑕ ᐊᔭᒥᐊᐅᒋᐛᐱᒡ ᐊᑯᑕ ᒐ ᐸᐱᓯᔅᑕᐅᑯᔭᒄ᙮ ᒋᑭ ᐃᑐᑕᐃᑯᓇᐛᐤ ᒥᒋᒪ ᑭᔭ ᒋᓴᐅᒋᒪᐅᒡ ᐊ ᑕᒡ ᒐᒋ ᑎᐸᔅᑯᓂᑕᑯᒡ ᐊᓐ ᐅᒋ ᐊ ᓇᓴᐅᔭᒄ᙮ ᒋᑭ ᓂᑐᐛᔨᑕᑯᓯᓇᐛᐤ ᑯᐃᔅᒄ ᒐᒋ ᐃᓯ ᐊᔨᒧᒥᔭᒄ᙮

ᒋᑭ ᑕᐅᒡ ᐊᐛᓐᒋ ᐊ ᐎᔭᓯᐃᐛᒡ ᐊ ᐃᔅᒋᔄᒡ ᓂᔾ ᙭᙮ ᒋᑭ ᑕᐅᒡ ᑭᔭ ᒥᒋ ᐅᒋᔅᒋᐛᐃᒐᓱᒡ᙮ ᐊᐅᑯᓐᒡ ᒪᒃ ᐅᒡ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᒐ ᐛᐸᑎᔨᐛᒡ ᑭᔭ ᒋᑭ ᐃᑐᑎᒧᒡ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ᙮ ᐊᑯᑕ ᒪᒃ ᒐ ᐅᒋ ᐎᔭᓯᐊᒡ ᐊᐛᔪᐛ ᓂᑎᒥᒄ ᒐᒋ ᐃᓯ ᑕᑈᑎᒥᔨᒋ᙮ ᐊᓂᔭᔪᐛ ᒪᒃ ᒋᓴᒪᓂᑐᐛ ᑲ ᐅᑎᓇᔨᒋ ᐊᐛᔪᐛ ᐊᐅᑯᓂ ᐊᓂᔭᔪᐛ ᒐ ᐎ ᐎᔭᓯᐊᒡ᙮

“ᐃᔅᐱ ᒋ ᐎ ᒪᐱᔨᒐ ᐊ ᓂᓇᐧᑲᑕᔨᒧᓇᓄᐅᒡ, ᐱᓯᒻ ᒋᑭ ᑎᐱᔅᒋᐱᔪᐤ, ᑭᔭ ᑎᐱᔅᑲᐤ ᐱᓯᒻ ᓇᒪ ᒋᑭ ᐅᒋ ᒋᐧᑲᔭᔅᑐᐛᐤ, ᐅᒐᑭᑕᐧᑯᒡ ᒋᓯᑯᒡ ᒋᑭ ᐅᒋ ᐸᐸᒋᓯᓄᐅᒡ ᑭᔭ ᒥᓯᐛ ᑕᓐ ᐊ ᐃᓯ ᑎᒂᒡ ᐃᔅᐱᒥᒡ ᒋᑭ ᓇᓇᒥᐱᔪᐤ᙮”